شکوہ کی بات ہے نہ شکایت کی بات ہے

 شکوہ کی بات ہے نہ شکایت کی بات ہے

آپس کی گفتگو ہے محبت کی بات ہے

ایثار چاہتی ہے محبت بہ نام ترک

اب امتحان ظرف ہے ہمت کی بات ہے

بتخانے میں بھی نور خدا دیکھتا ہوں میں

جی ہاں یہ میرے حسنِ عقیدت کی بات ہے

جو چاند کی طرح تھا رخ یار ہے کہاں

 عارفانہ کلام حمد نعت منقبت

ایک احساس (مسجد نبوی کے زیر سایہ)

جو چاند کی طرح تھا رخ یار ہے کہاں

پھیلی تھی جس کی چاندنی، وہ پیار ہے کہاں

کر دے جو دور روح کا آزار ہے کہاں

وہ دوست اب کہاں، وہ غمخوار ہے کہاں

جلووں سے جس کے دل کو نئی زندگی ملی

اے دل! خبر تو دے مِرے دلدار ہے کہاں

سوا خدا کے یہاں کون سننے والا ہے

 عارفانہ کلام حمد نعت منقبت

سوا خدا کے یہاں کون سننے والا ہے

خموشیوں کی زباں کون سننے والا ہے

کسے سناتے ہو ان برف کے جزیروں میں

یہ آہِ سرد میاں! کون سننے والا ہے؟

خدا کو چھوڑ کے اس بے حسوں کی بستی میں

ہمارے غم کا بیاں کون سننے والا ہے؟

الفت کی اگر روداد سنو تو میرا فسانہ کافی ہے

 الفت کی اگر روداد سنو تو میرا فسانہ کافی ہے

ہاں ذکر جفائے دوست نہیں بیداد زمانہ کافی ہے

دنیا کو بھلا ہم کیا دیں گے خود دست نگر ہیں ہم ان کے

کچھ ان پہ تصدق کرنا ہو تو غم کا خزانہ کافی ہے

اس دور جنوں میں اپنا پتہ ہم اس کے سوا کیا سمجھائیں

اک نقش قدم سجدوں کے نشاں بس اتنا ٹھکانہ کافی ہے

صرف کافی نہیں فنا مجھ کو

 صرف کافی نہیں فنا مجھ کو

عشق! کچھ اور بھی سکھا مجھ کو

یاں تو ہر شکل میری شکل پہ ہے

تُو کہیں اور بھیجتا مجھ کو

تیرا پرتو ہوں، تیرا عکس ہوں میں

مت کسی اور سے ملا مجھ کو

لائے گا رنگ جذبۂ ایثار دیکھنا

 لائے گا رنگ جذبۂ ایثار دیکھنا

آنے دو وقت ہم کو سرِ دار دیکھنا

جاتی ہے جان جائے مگر یار دیکھنا

اٹھنے نہ پائے پردۂ اسرار دیکھنا

چہرے سے تم نقاب اٹھاتے تو ہو مگر

غش کھا نہ جائیں ظالبِ دیدار دیکھنا

میں افشا آج راز حسن مہر و ماہ کرتا ہوں

 میں افشا آج راز حُسنِ مہر و ماہ کرتا ہوں

دلِ عالم کو ذوقِ عشق سے آگاہ کرتا ہوں

بنے کیوں مانعِ قصدِ سفر دشواریِ منزل

تِرے نقشِ قدم کو میں چراغِ راہ کرتا ہوں

نہ آنکھوں میں رہے آنسو نہ لب پر ہی رہے نالے

محبت کی ستم انگیزیوں پر، واہ کرتا ہوں

دوست میرے ہی مجھے دشمن جاں لگتے ہیں

 دوست میرے ہی مجھے دشمنِ جاں لگتے ہیں

لفظ و لہجے بھی مجھے تیر و کماں لگتے ہیں

صرف تجھ تک نہیں موقوف تیرا حسن و جمال

کم تجھے دیکھنے والے بھی کہاں لگتے ہیں

جو ترے قول مری راحتِ جاں تھے پہلے

اب وہ سب قول مجھے آہ و فغاں لگتے ہیں

بس ایک قطرہ ہوں میں کوئی جھیل تھوڑی ہوں

 بس ایک قطرہ ہوں میں کوئی جھیل تھوڑی ہوں

نہیں ہوں سب کو مہیا، سبیل تھوڑی ہوں

مرے سہارے پہ وحشت کا بول بالا ہے

میں خاکِ عشق ہوں شاہی فصیل تھوڑی ہوں

میں کیسے پریوں کے اجسام پاک کر پاتا

میں اک فضول کنارہ ہوں جھیل تھوڑی ہوں

فرش مہکے ہے رہگزر مہکے

 عارفانہ کلام حمد نعت منقبت

فرش مہکے ہے رہگزر مہکے

تیری آمد سے بحر و بر مہکے

آئی میلادِ مصطفیٰﷺ کی گھڑی

چھٹ گئیں ظلمتیں، سحر مہکے

تیرے صدقے ہے نعمتِ کونین

تیرے صدقے میں تاجور مہکے

راہ تکتے ہیں کس کی گھڑی در گھڑی

 راہ تکتے ہیں کس کی گھڑی در گھڑی

بیتی جاتی ہے جیسے صدی در صدی

درد ہے دل میں جو بہہ نہ جائے کہیں

ہم بہاتے نہیں اشک اپنے کبھی

روزگار اب نجومی تو اپنا بدل

کیا ستارے باتائیں گے قسمت مِری

جو مجھ میں شے ہے ابھی کے ابھی نکالتا ہوں

 جو مجھ میں شے ہے ابھی کے ابھی نکالتا ہوں

میں دل نچوڑ کے سب روشنی نکالتا ہوں

مِرے وجود سے تب لا وجود بولتا ہے

میں اپنے بھید سے جب شاعری نکالتا ہوں

میں موسموں کو سکھاتا ہوں ضبط کے معنی

پھر ایک پیڑ سے سب خامشی نکالتا ہوں

نہیں ہے مجھ کو تمنا فریب کھانے کی

 نہیں ہے مجھ کو تمنا فریب کھانے کی

اگر ہے چاہ تو بس تم کو بھول جانے کی

بدل کے چھوڑیں گے کہنہ روش زمانے کی

وفا جو ہم سے کبھی عمرِ بے وفا نے کی

ہزار بار جنہیں آزما کے دیکھا ہو

سعی فضول ہے پھر ان کو آزمانے کی

موسم گل میں بھی گل نذر خزاں ہیں سارے

 موسم گل میں بھی گل نذر خزاں ہیں سارے

مطمئن کوئی نہیں، محوِ فغاں ہیں سارے

ہوش مندی سے قدم آگے بڑھاؤ لوگو

اپنی جانب ہی کھنچے تیر و کماں ہیں سارے

چہچہانے کی صدا آئی تھی کل تک جن سے

جانے کیوں آج وہ خاموش مکاں ہیں سارے

سچ بات بتاتے تھے خریدار سے پہلے

 سچ بات بتاتے تھے خریدار سے پہلے

ایمان کے تاجر نہ تھے بازار سے پہلے

وہ وقت بھی کیا وقت تھا جب لوگ گھروں میں

قرآن پڑھا کرتے تھے اخبار سے پہلے

اس دورِ ترقی کا نتیجہ ہے کہ اب لوگ

کپڑوں پہ نظر رکھتے ہیں کردار سے پہلے

خیالوں میں ہیں تاجدار مدینہ

 عارفانہ کلام حمد نعت منقبت

خیالوں میں ہیں تاجدار مدینہ

دکھا دے خدا پھر دیار مدینہ

سماعت میں کلمے کی وہ چاشنی ہے

نگاہوں میں ہے مرغزارِ مدینہ

چہکتے ہیں مے کس، کھنکتے ہیں پیالے

جوانی پہ ہے آبشارِ مدینہ

اہل دنیا کی طرح سوچا نہ کر

 اہل دنیا کی طرح سوچا نہ کر

چاہتوں کو اس طرح رسوا نہ کر

کون دکھ میں ساتھ دیتا ہے بھلا؟

درد و غم کا برملا چرچا نہ کر

چاند راتوں کی خبر دیتا ہے یہ

ڈوبتے سورج سے گھبرایا نہ کر

لٹ جائے چمن گل کا تبسم نہیں بکتا

 لٹ جائے چمن گل کا تبسم نہیں بکتا

سو دام ہوں بلبل کا ترنم نہیں بکتا

بک جاتا ہے زردار کی الفت کا تیقن

نادار کی چاہت کا توہم نہیں بکتا

بڑھتی ہے بڑھے گرمئ بازار ہوس کی

لب بکتے ہیں اے دوست تبسم نہیں بکتا

کتاب شوق میں ان بند باب آنکھوں کو

 کتاب شوق میں ان بند باب آنکھوں کو

نہ سہل جان مِری جان خواب آنکھوں کو

میں اب بھی پڑھتا ہوں تزئین شعر و فن کے لیے

تمام رات تِری خوش نصاب آنکھوں کو

قلم امانت حق تھا سو لکھ دیا میں نے

شگفتہ لمس لبوں کو شراب آنکھوں کو

عشق میں اشک جو بہاتے ہو

 عشق میں اشک جو بہاتے ہو

آگ پانی کو تم ملاتے ہو

سارے پکوان پھر لگیں پھیکے

ہونٹ جب ہونٹ سے لگاتے ہو

ایک کانٹے سے پھول نے بولا

شکریہ تم مجھے بچاتے ہو

آنکھوں کا شور خون کی گنگا اتر گیا

 آنکھوں کا شور خُون کی گنگا اُتر گیا

اس غم نے کاٹ کھایا کہ دل بے ہُنر گیا

گل مہر پہ خزاں نے لگائی ہے غم کی مہر

تیتر کھنڈر پہ شاخ کی سِسکاری بھر گیا

چھاؤں میں چاند کے تھا مِرے ساتھ ایک نُور

سُورج گِرا جو سر پہ ستارا مُکر گیا

مدح خواں کیوں نہ ہوں صبح و شام آپ کا

 عارفانہ کلام حمد نعت منقبت

مدح خواں کیوں نہ ہوں صبح و شام آپ کا

یا نبیﷺ میں ہوں ادنیٰ غلام آپ کا

جن و انساں، ملائک، خلاق سبھی

کرتے ہیں یا نبیﷺ احترام آپ کا

آپ کی ذات رحمت ہے سب کے لیے

دونوں عالم پہ ہے لطف عام آپ کا

کوئی منتر تو بتا ایسا فسوں ہو جائے

 کوئی منتر تو بتا، ایسا فسوں ہو جائے

میرے قدموں میں وہ محبوب نگوں ہو جائے

ایک ہی پھونک سے ہو جائے وہ دیوانہ مِرا

اک مِرے قُرب کا غافل کو جنوں ہو جائے

اس کو بھی میری طرح چین نہ آئے پل بھر

ایسا تڑپے کہ مِرے دل کو سکوں ہو جائے

فصل گل بھی آئی ہے اور پون بھی سنکی ہے

 فصل گل بھی آئی ہے اور پون بھی سنکی ہے

پھر بھی ان فضاؤں میں کیفیت جلن کی ہے

کیا پتہ کہ یہ کس کے پیار کا جنازہ ہے؟

لوگ یوں تو کہتے ہیں؛ پالکی دُلہن کی ہے

اف یہ کیسا صحرا ہے، ہائے کس کی تُربت ہے

آپ یہ کلی تنہا جانے کس چمن کی ہے

آتا اگر بغل میں بوتل دبائے واعظ

 آتا اگر بغل میں بوتل دبائے واعظ

مستی میں چوم لیتے ہم بڑھ کے پائے واعظ

بندے ہیں سب اسی کی امیدوار رحمت

رندوں کا بھی وہی ہے جو ہے خدائے واعظ

آیا ہے پی کے شاید لکنت زبان میں ہے

چلنے میں بھی نہیں ہیں قابو میں پائے واعظ

خود جن کی نظر ہے رسن و دار کے آگے

 خود جن کی نظر ہے رسن و دار کے آگے

وہ سر نہ جھکیں گے کبھی تلوار کے آگے

مل جائے مِری عمر انہیں قافلے والو

جانا ہے جنہیں منزلِ دشوار کے آگے

ایک اور بھی دیوارِ تمدن ہے شکستہ

تہذیب کی گرتی ہوئی دیوار کے آگے

یہ بازار محبت ہے یہاں نفرت نہیں ملتی

یہ بازارِ محبت ہے یہاں نفرت نہیں ملتی

جہاں خورشید ہوتا ہے وہاں ظلمت نہیں ملتی

ہجوم مردماں میں اجنبی بھی ہیں شناسا بھی

کوئی بستی کہ جس سے دل کو ہو رغبت نہیں ملتی

دلِ پُر درد بھی اک خاص عطا ہوتی ہے مالک کی

کہ اس دنیا میں ہر سینے کو یہ دولت نہیں ملتی

چمن میں آگ لگے آشیاں رہے نہ رہے

 عارفانہ کلام حمد نعت منقبت

چمن میں آگ لگے آشیاں رہے نہ رہے

تِری بہار رہے گی ، خزاں رہے نہ رہے

حضورﷺ! آپ کا دستِ کرم دراز رہے

کہ سر پہ سایۂ ہفت آسماں رہے نہ رہے

سہارہ آپ کی رحمت کا ہے بہت ہم کو

بروزِ حشر کوئی مہرباں رہے نہ رہے

کہوں کس طرح کیا غضب بولتے ہیں

 کہوں کس طرح کیا غضب بولتے ہیں

برستے ہیں شعلے وہ جب بولتے ہیں

اگر وقت آیا تو سب چپ رہیں گے

ابھی لاکھ بڑھ چڑھ کے سب بولتے ہیں

وہی ان سے ہم بول اٹھیں تو کیا ہو

کہ جو ہم سے وہ روز و شب بولتے ہیں

وصل کی شب گزر نہ جائے کہیں

 وصل کی شب گزر نہ جائے کہیں 

تیرا بیمار مر نہ جائے کہیں 

یاد میں ان کی میرے اشکوں کا 

آج پیمانہ بھر نہ جائے کہیں 

شبِ فرقت ہے اور تنہائی 

دل کی دھڑکن ٹھہر نہ جائے کہیں 

تری خدمات میں بیٹھے ہوئے ہیں

 تِری خدمات میں بیٹھے ہوئے ہیں

کہ سب اوقات میں بیٹھے ہوئے ہیں

چھپانا چاہتے ہیں اپنے آنسو

سو ہم برسات میں بیٹھے ہوئے ہیں

بہت دشوار ہے گھر سے نکلنا

عدو سب گھات میں بیٹھے ہوئے ہیں

ہے حرم کس کا کس کے بت خانے

 ہے حرم کس کا کس کے بت خانے

اس کو سمجھے ہیں کچھ تو دیوانے

زندگی کا مزا وہ کیا جانے

غم دئیے ہوں نہ جس کو دنیا نے

چشم مخمور ہیں وہ پیمانے

جن پہ قرباں ہزار مےخانے

سردیوں کی راتوں میں ایک دن کے بچے کو

 ماں اور کووڈ 19

سردیوں کی راتوں میں

ایک دن کے بچے کو

اپنے گرم ہاتھوں میں

گرم کر کے رکھتی ہے

ایک دن کے بچے کو

کچھ پتا نہیں ہوتا

فطرت نے کیا آپ کو ممتاز خدیجہ

 عارفانہ کلام حمد نعت منقبت

فطرت نے کِیا آپ کو ممتاز خدیجہؑ

ایّامِ جفا جُو میں وفا ساز خدیجہؑ

سادات میں جس نور کی تقسیم ہوئی ہے

اس نورِ ابد تاب کا آغاز خدیجہؑ

وہ آپ ہیں جن کےلیے ہر ایک سے پہلے

ہوتا ہے سخی صحن کا در باز خدیجہؑ

نظر سے سب کی پنہاں ہے جو اندازِ نظر اپنا

 نظر سے سب کی پنہاں ہے جو اندازِ نظر اپنا

کہیں مٹی میں مل جائے نہ سب کسبِ ہنر اپنا

محیطِ سوزِ عالم ہے اگر سوزِ ہنر اپنا

بقدرِ وسعتِ دل چاہیے دردِ جگر اپنا

غزل گوئی کی تہمت کیوں مِرے ذوقِ جنوں پر ہی

نہیں منت کشِ رسمِ ہنر، ذوقِ ہنر اپنا

عبارت جو اداسی نے لکھی ہے

 عبارت جو اداسی نے لکھی ہے

بدن اس کا غزل سا ریشمی ہے

کسی کی پاس آتی آہٹوں سے

اداسی اور گہری ہو چلی ہے

اچھل پڑتی ہیں لہریں چاند تک جب

سمندر کی اداسی ٹوٹتی ہے

اپنے حقوق پر ہی نہیں ہے جو اختیار

 اپنے حقوق پر ہی نہیں ہے جو اختیار

ایسے نظامِ عدل پہ لعنت ہو بے شمار

اپنے پڑوس دیکھ، کسی کو نہ دیکھ یار

قابض نہیں ہوتے ہیں وہاں لوگ تین چار

آواز بھی اٹھاؤں تو کس کو سنے حضور

ہے چور بھی یہاں پہ ہمارا ہی چوکیدار

ماں باپ ہیں اک پیڑ ہے قرآن رکھا ہے

 ماں باپ ہیں، اِک پیڑ ہے، قرآن رکھا ہے

گھر میں جو ضروری ہے وہ سامان رکھا ہے

لگتا ہی نہیں دل کو سخن اور کسی کا

بس میر تقی میر کا دیوان رکھا ہے

پھر کون بلاتا ہے مجھے پیار کی جانب

یہ کس نے مِرے کمرے میں گُلدان رکھا ہے

حالات کے خداؤ وہ ملعون ہم ہی ہیں

 حالات کے خداؤ! وہ ملعون ہم ہی ہیں

حمدون ہم کو کہتے ہیں حمدون ہم ہی ہیں

گھبرا کے تشنگی سے جو اپنے کو پی گیا

خود گیر و خود شکار وہ مجنون ہم ہی ہیں

جس سے ملی ہے بانجھ دماغوں کو زندگی

اے ناقدِ حیات! وہ مضمون ہم ہی ہیں

نعت کا کتنا کشادہ باب ہے

 عارفانہ کلام حمد نعت منقبت

جس میں اک عالم ہوا غرقاب ہے

نعتﷺ کا کتنا کشادہ باب ہے

دیکھ کر نقشِ کفِ پائے نبیﷺ

محوِ حیرت آج بھی مہتاب ہے

دیکھے ان کو آنکھ جھپکائے بغیر

کون ہے کس میں بھلا یہ تاب ہے

دکھ میں مژدہ بہار کا آیا

 دکھ میں مژدہ بہار کا آیا

یاد جب نقشہ یار کا آیا

بھول کر یاد کر لیا دل نے

پھر نہ پل بھر قرار کا آیا

جب نہ پیغام یار کا آیا

رونا تب بار بار کا آیا

خوشبو کا جسم یاد کا پیکر نہیں ملا

 خوشبو کا جسم، یاد کا پیکر نہیں ملا

دل جس سے ہو شگفتہ وہ منظر نہیں ملا

آخر بجھاتا کیسے وہ اپنی لہو کی پیاس

تلوار مل گئی تو کوئی سر نہیں ملا

ناگاہ دوستوں کی طرف اٹھ گئی نگاہ

جب دشمنوں کے ہاتھ میں خنجر نہیں ملا

اسی سے عشق کا اظہار کر کے آیا ہوں

 اسی سے عشق کا اظہار کر کے آیا ہوں

جو بے خبر تھا خبردار کر کے آیا ہوں

بڑی عجیب سی حالت ہوئی اس دل کی

صنم کا جب سے میں دیدار کر کے آیا ہوں

بڑے غرور سے کہتا ہے ایک بوڑھا باپ

میں اپنی نسل کو خود دار کر کے آیا ہوں

کیسے کھینچوں تری تصویر تو گم ہے اب تک

 منزل کے نام

کیسے کھینچوں تِری تصویر تو گُم ہے اب تک 

تجھ کو اے جان جہاں میں نے تو دیکھا بھی نہیں 

جب کبھی ابرِ شبِ مہ میں اُڑا جاتا ہے 

آبشاروں سے صدا آتی ہے چھن چھن کے کہیں 

یا کبھی شام کی تاریکی میں تنہائی میں 

جب کبھی جلوہ جھلکتا ہے تِری یادوں کا 

علامہ اقبال سینہ تھا ترا بام مشرق و مغرب کا خزینہ

 علامہ اقبال

سینہ تھا تِرا بام مشرق و مغرب کا خزینہ

دل تھا تِرا اسرار و معارف کا دفینہ

ہر شعر تِِرا بام ترقی کا ہے زینہ

مانند مہِ نو تھا فلک سیر سفینہ

اس ساز کے پردے میں تھی عرفان کی آواز

کیا عرش سے ٹکرائی ہے انسان کی آواز

فلک سے چاند ستارے سلام کہتے ہیں

 عارفانہ کلام حمد نعت منقبت

فلک سے چاند ستارے سلام کہتے ہیں

حضورﷺ امتی سارے سلام کہتے ہیں

بساط کیا ہے ہماری جب آپ کو سرکارؐ

قرآن کے پارے سلام کہتے ہیں

سلام کے لیے شاخیں جھکی ہوئی ہیں حضورؐ

جو ان پہ پھول ہیں سارے سلام کہتے ہیں

ہر اک قدم پہ عشق میں رسوائیاں ملیں

 ہر اک قدم پہ عشق میں رسوائیاں ملیں

برگشتہ مجھ ہی سے مِری پرچھائیاں ملیں

پھرتی رہی سکون کی خاطر میں در بدر

جس سمت بھی گئی، مجھے تنہائیاں ملیں

دل میں تو ہم نے جھانک کے دیکھا نہیں کبھی

آنکھوں میں اُس کی جھیل سی گہرائیاں ملیں

بے وفا ہے وہ کبھی پیار نہیں کر سکتا

 بے وفا ہے وہ کبھی پیار نہیں کر سکتا

ہاں مگر پیار سے انکار نہیں کر سکتا

اپنی ہمت کو جو پتوار نہیں کر سکتا

وہ سمندر کو کبھی پار نہیں کر سکتا

جو کسی اور کے جلووں کا تمنائی ہو

وہ کبھی بھی ترا دیدار نہیں کر سکتا

نہیں نہیں ہے مجھے اعتبار شیشے پر

 نہیں نہیں ہے مجھے اعتبار شیشے پر

پڑا ہی رہنے دو گرد و غُبار شیشے پر

تُو جا رہا ہے تو یہ آئینہ بھی لیتا جا

نظر پڑے گی مِری بار بار شیشے پر

ہُوا ہے چُور تو بکھری پڑی ہے خاکِ بدن

رکھا تھا کس نے یہ اپنا مزار شیشے پر

میرے دشمن تجھے نفرت کی قبا سجتی ہے

 پھول کو رنگ ستارے کو ضیا سجتی ہے

میرے دشمن تجھے نفرت کی قبا سجتی ہے

درد تھم جاتا ہے کچھ دیر کو تسکیں پا کر

آنچ دیتے ہوئے زخموں پہ انا سجتی ہے

شاخ کیسی بھی ہو پھولوں سے حسیں لگتی ہے

روپ کیسا بھی ہو ہونٹوں پہ دعا سجتی ہے

کیا غم ہے اگر بے سر و سامان بہت ہیں

 کیا غم ہے اگر بے سر و سامان بہت ہیں

اس شہر میں کردار کے دھنوان بہت ہیں

چاہو تو تغافل کے نئے تیر چلاؤ

ٹوٹے ہوئے دل میں ابھی ارمان بہت ہیں

دزدیدہ نگاہی یہ حیا بار تبسم

اس بزم میں لٹ جانے کے امکان بہت ہیں

تو احد ہے تو صمد ہے تو ہی بے مثال بھی ہے

 عارفانہ کلام حمد نعت منقبت

تُو احد ہے تُو صمد ہے تُو ہی بے مثال بھی ہے

تُو حفیظِ اہلِ حق ہے،۔ شہِ ذوالجلال بھی ہے

جو ہے دن نکلنا ڈھلنا مِری یہ سمجھ میں آیا

کہ عروج ہے کسی کو اسے پھر زوال بھی ہے

تُو جو چاہے پتھروں کو زر و سیم میں بدل دے

ہے یقین مجھ کو آقا تِرا کمال بھی ہے

اشک آنکھوں میں آ کر سجانے لگی

 اشک آنکھوں میں آ کر سجانے لگی

تیرے غم کی ادا دل لُبھانے لگی

ہم تھے مدہوش ہم کو خبر تھی کہاں

زندگی کب غزل گُنگنانے لگی

ہم نے سوچا تھا یکسر بھُلا دیں تمہیں

دل جو تڑپا تو پھر یاد آنے لگی

چہرے پہ کوئی رنگ ٹھہرنے نہیں دیتا

 چہرے پہ کوئی رنگ ٹھہرنے نہیں دیتا

غم مجھ کو کسی طور سنورنے نہیں دیتا

ہر لحظہ تِری یاد کا بِپھرا ہوا طوفاں

دریائے محبت کو اُترنے نہیں دیتا

اے شہرِ سلاسل! تِرا انصاف کا وعدہ

پژمُردہ اُمیدوں کو بھی مرنے نہیں دیتا

یوں چلی ہے ہوا وطن میں اداس

 یوں چلی ہے ہوا وطن میں اداس 

سانس چلتے ہیں اب بدن میں اداس 

ننگے پاؤں رواں دواں ہے جنوں 

آزمائش کی اس اگن میں اداس 

سازشی موسموں کی جیت ہوئی 

غنچہ و گل ہوئے چمن میں اداس 

لگا سنگین سا الزام کوئی

 لگا سنگین سا الزام کوئی

ملے ہر شخص کو پیغام کوئی 

تجھے معلوم ہو پھر دکھ ہمارا

تِرے آنگن میں اترے شام کوئی 

دو عالم بے خودی میں رقص میں ہوں 

ہمارے ہاتھ میں ہو جام  کوئی 

پلکوں پہ سج رہے ہیں جو موتی نہ رولیے

 پلکوں پہ سج رہے ہیں جو موتی نہ رولیے 

جوہر ہیں غم کے غم کے ترازو میں تولیے

شامِ غمِ فراق کے پہلو میں بیٹھ کر

آئی کسی کی یاد تو چپکے سے رو لیے

موندی گئیں جو آنکھیں تو آئے وہ دیکھنے

آ کر بھی کہہ نہ پائے کہ آنکھیں تو کھولیے

کتنے بوسیدہ ہیں حالات مسلمانوں کے

 کتنے بوسیدہ ہیں حالات مسلمانوں کے

دل دکھاتے ہیں یہاں فیصلے ایوانوں کے

اوڑھنا، اور بچھونا ہوا دولت ان کا

باعثِ شرم یہاں کام ہیں سلطانوں کے

یہ بھی محبوب کی یادوں میں مگن ہوں شاید

شیخ جی! آپ کیوں دشمن ہوئے دیوانوں کے

دل میں ہے اک سوزش درد تمنائے رسول

 عارفانہ کلام حمد نعت منقبت

دل میں ہے اک سوزش درد تمنائے رسول

آنکھ میں ہے جوششِ صد رنگ صہبائے رسول

آبروئے رنگِ ساغر جوششِ صہبا سے ہے

کاش کہ میں بھی بنوں سرمستِ صہبائے رسول

کوئی کاشی کا پجاری،۔ کوئی کعبہ پر فدا

مجھ کو قسمت سے ملا ذوقِ کفِ پائے رسول

شاخ گل پر آشیانہ چاہیے

 شاخ گل پر آشیانہ چاہیے

تھک چکی ہوں اب ٹھکانہ چاہیے

کاٹتی ہے اب یہ تنہائی مجھے

اک نیا پھر دوستانہ چاہیے

کون کب کس بھیس میں دے گا فریب

یہ پرکھنے کو زمانہ چاہیے

زندگی میں غم ہی غم ہیں اور تو ہے

 زندگی میں غم ہی غم ہیں اور تُو ہے

مرحلے کچھ دم بہ دم ہیں اور تو ہے

باغ میں جب پھول ہیں کانٹیں بھی ہوں گے

زندگی میں جیسے ہم ہیں اور تو ہے

آسماں میں جتنے ہیں یہ چاند تارے

عشق میں اتنے ستم ہیں اور تو ہے

حالات اب وطن کے المناک ہو گئے

 اذہان رہنماؤں کے ناپاک ہو گئے

حالات اب وطن کے المناک ہو گئے

نا اہل باغباں کی حفاظت میں ہے چمن

ارماں حسین پھولوں کے سب خاک ہو گئے

بندوق کی زبان سے کرنے لگے ہیں بات

کچھ لوگ میرے شہر کے سفاک ہو گئے

بھروسہ پھولوں کا کانٹوں کا اعتبار نہیں

 بھروسہ پھولوں کا کانٹوں کا اعتبار نہیں

تعینات کے خاکے ہیں یہ بہار نہیں

میں کیسے آپ کے وعدے کا اعتبار کروں

حضور جب مجھے خود اپنا اعتبار نہیں

مِرے شعور محبت کی جس سے ذلت ہو

خدا کے فضل سے ایسا مِرا شعار نہیں

ہے مکیں کوئی دوسرا مجھ میں

 ہے مکیں کوئی دوسرا مجھ میں

مجھ سے بھی کچھ ہے ماورا مجھ میں

شعلۂ طور جل بجھا مجھ میں

کاش مل جائے اب خدا مجھ میں

مجھ کو مجھ سے جدا کیا یعنی

اس نے خود کو ملا دیا مجھ میں

اگر سن لی خدائے پاک نے اگلے مہینے میں

 عارفانہ کلام حمد نعت منقبت

اگر سن لی خدائے پاک نے اگلے مہینے میں

میں اس دنیا کی جنت دیکھ آؤں گا مدینے میں

ہر اک شب سورۂ یٰسین پڑھ کر پھونک لیتا ہوں

میرے زخموں کا مرہم ہے تو بس قرآں کے سینے میں

ادا ہو پائے نہ جب سرورِ کونینﷺ کی سنت

بدن کانپے میرا، تھر تھر نہا جاؤں پسینے میں

فقط اک پل نہیں یہ عمر بھر دشوار ہوتا ہے

 فقط اک پل نہیں یہ عُمر بھر دُشوار ہوتا ہے

کسی کے غم میں جینا کس قدر دشوار ہوتا ہے

کسی کا ہمسفر ہونا،۔ کسی کا معتبر ہونا

بہت آساں سمجھتے ہو مگر دشوار ہوتا ہے

کسی کے قرب کا موسم، کسی کے وصل کا عالم

یہ ہو جائے اگرچہ مختصر، دشوار ہوتا ہے

امن عالم کی طلبگار ہوئی ہے دنیا

 امن عالم کی طلبگار ہوئی ہے دنیا

دیکھیے بر سرِ پیکار ہوئی ہے دنیا

سیم و زر کے لیے انسان بھی بک جاتے ہیں

کیا کوئی مصر کا بازار ہوئی ہے دنیا

درِ جاناں تو کوئی دور نہیں ہے لیکن

راستے کا مِرے دیوار ہوئی ہے دنیا

رکھتا ہے اپنے ساتھ گناہوں کا بار دل

 رکھتا ہے اپنے ساتھ گناہوں کا بار دل

اجلے سے میرے سینے میں ہے داغدار دل

تقویٰ سے گر بھرا ہو تو پھر نیکیوں کی سمت

اس طرح دوڑتا ہے کہ ہو شہسوار دل

ہیں آج سب کے سینوں میں پتھر رکھے ہوئے

برسائے آسمان سے پروردگار دل

ہر جگہ نظر آیا صاحب نظر تنہا

 ہر جگہ نظر آیا صاحب نظر تنہا 

قلب میں صدف کے بھی دیکھا ہے گہر تنہا 

بجھ سکے گی کتنوں کی پیاس خون سے میرے 

بے شمار تیغیں ہیں اور میرا سر تنہا 

فیض کچھ تِرا بھی تھا بخشش جنوں بھی تھی 

اک ہجوم تھا پیچھے ہم چلے جدھر تنہا 

کم نہ تھا اس گلی کے بھلانے کا غم

 کم نہ تھا اس گلی کے بھلانے کا غم

اس پہ بھاری رہا یاد آنے کا غم

عارضی تھی زمانے کی اک اک خوشی

دائمی تھا مگر اس کے جانے کا غم

ایک امید لاغر سی بے روح سی

آس کی ڈور کے ٹوٹ جانے کا غم

سچ تو یہ ہے کہ اس کا خدا ہو گیا

 عارفانہ کلام حمد نعت منقبت

سچ تو یہ ہے کہ اس کا خدا ہو گیا

عشقِ احمدﷺ میں جو مبتلا ہو گیا

آپﷺ کی آمد آمد سے کونین میں

نور ہی نور کا سلسلہ ہو گیا

اس کی ٹھوکر میں ہے سطوتِ قیصری

جو غلامِ حبیبﷺ خدا ہو گیا

میں تیرا ہوں یہ کب جتایا کسی نے

 میں تیرا ہوں یہ کب جتایا کسی نے 

میں روٹھی رہی کب منایا کسی نے

مجھے اب کسی پر بھروسہ نہیں ہے 

محبت ہے دھوکہ سکھایا کسی نے 

کہاں تھا یہ ممکن کہ جیتے کوٸی بھی 

کہ اپنا بنا کے ہرایا کسی نے

تیرگیوں سے نکالا اس کو

 تیرگیوں سے نکالا اس کو 

جیسے ممکن تھا اُجالا اس کو 

کچھ زیادہ ہی اسے مان تھا سو 

پتلے پانی سے نکالا اس کو 

کتنے پانی میں ہے معلوم تو ہو

وقت آیا تو کھنگالا اس کو 

حسن نالاں ہے کیا کِیا جائے

 حسن نالاں ہے کیا کِیا جائے

عشق حیراں ہے کیا کِیا جائے

ماں تو پھر ماں تھی اور اس کے بغیر

گھر بھی زنداں ہے کیا کِیا جائے

ہجر ہے، چاند رات ہے، میں ہوں

اور گریباں ہے کیا کِیا جائے

یہ دور یہ قید سخت جیسے

 یہ دور یہ قید سخت جیسے

آویزش وہم و بخت جیسے

یہ دشت کی تیز تر ہوائیں

ٹوٹیں گے کئی درخت جیسے

اک شور فضا میں گونجتا ہے

آوازہ تاج و تخت جیسے

سلگتی ریت میں تلوے لہو لہو کرنا

 سلگتی ریت میں تلوے لہو لہو کرنا

پھر اس کے بعد گلابوں کی آرزو کرنا

اسے خبر نہیں میں کٹ چکا ہوں اندر سے

وہ چاہتا ہے مِرا پیرہن رفو کرنا

یہ مشغلہ نہیں مرہم ہے دل کے زخموں کا

تمام رات ستاروں سے گفتگو کرنا

تخلیق کائنات کا منشا رسول پاک

 عارفانہ کلام حمد نعت منقبت

تخلیق کائنات کا منشا رسول پاکﷺ

تکمیل خواہشات کا نقشہ رسول پاکﷺ

شیدا رسول پاکﷺ کا واجب الوجود

اور واجب الوجود کا شیدا رسول پاکﷺ

چھایا تھا کفریت کا اندھیرا چہار سمت

وحدانیت کا لائے اجالا رسول پاکﷺ

مطمئن ہو گئے ہیں اب غم سے

 مطمئن ہو گئے ہیں اب غم سے

زندگی کیا ہے پوچھیے ہم سے

ذرۂ دل 💗 کا حوصلہ توبہ

ذکر خورشید اور شبنم سے

ہم نے ہونٹوں کو سی لیا تھا مگر

کُھل گیا راز چشمِ پُر نم سے

امیدوار تو برگ و ثمر کے ہم بھی ہیں

 امیدوار تو برگ و ثمر کے ہم بھی ہیں

شجر نہ کاٹ کہ شاخِ شجر کے ہم بھی ہیں

یہ اور بات کہ دامن نہ مل سکا ہم کو

گِرے ہوئے تو کسی چشمِ تر کے ہم بھی ہیں

یہ اور بات ہماری خبر نہیں رکھتا

ہمیں خبر ہے کسی با خبر کے ہم بھی ہیں

فطرتاً مائل خطا ہوں میں

 فطرتاً مائل خطا ہوں میں

کون کہتا ہے پارسا ہوں میں

آفتوں میں گھرا ہوا ہوں میں

لذتِ غم سے آشنا ہوں میں

مٹھی بھر خاک ہی سہی لیکن

اس کی صنعت کی انتہا ہوں میں

دیے جلیں گے بجھیں گے ہوا کے آگے بھی

 دیے جلیں گے بجھیں گے ہوا کے آگے بھی

قدم تو رک نہیں سکتے فنا کے آگے بھی

خودی کا سجدہ نہ پہنچا درِ الٰہی تک

اڑا ہوا تھا کوئی سرِ انا کے آگے بھی

فقط زمین کی خبریں نہیں ہیں اپنے پاس

نگاہ رکھتے ہیں تحت الثریٰ کے آگے بھی

عبور کر نہ سکا میں غرور دریا کا

 عبور کر نہ سکا میں غرور دریا کا

ہے سرخیوں میں برابر قصور دریا کا

کسی پلک میں نمی تک نہیں رہی باقی

چلا گیا کہاں چہروں سے نور دریا کا

ہر ایک موج کی ہے نبض میرے ہاتھوں میں

میرے شعور میں ضم ہے شعور دریا کا

قاصد دل نہ سہی دشمن جاں بھیجتا ہے

 قاصد دل نہ سہی دشمن جاں بھیجتا ہے

عشق کے ضمن میں وہ کچھ تو یہاں بھیجتا ہے

بر سر بزم مہک تک سے جو آتا نہیں پاس

اپنی پوشش بھی وہ گل بعد ازاں بھیجتا ہے

کس طرح صلح کا امکان برآمد ہو بھلا

 اس کو سر نذر کریں تو وہ سناں بھیجتا ہے

سلام امت کی پہلی صف سلام اے تین سو تیرہ

 عارفانہ کلام حمد نعت منقبت

سلام امت کی پہلی صف، سلام اے تین سو تیرہ

سلام اصحاب میں اشرف، سلام اے تین سو تیرہ

سلام اے مطلعِ السابقون الاوّلوں تم پر

سلام اے خاصۂ اصحاب، اے خیرالقروں تم پر

سلام اے مومنینِ اولیں، اے تین سو تیرہ

سلام اے مسلمینِ بہتریں، اے تین سو تیرہ

بد گماں آج ساری محفل ہے

 بد گماں آج ساری محفل ہے

جانے کس راہ کس کی منزل ہے

حال دل ہم بیاں کریں کیسے

شہر کا مسئلہ مقابل ہے

عمر بیتی ہے میری صحرا میں

دور تک دریا ہے نہ ساحل ہے

روشنی ہو گی یہ امید جگائے رکھیے

 روشنی ہو گی یہ اُمید جگائے رکھیے

ایک چنگاری تو دل میں بھی بنائے رکھیے

تجھ سے چھُوٹا تو کسی اور کا مہماں ہو گا

اس لیے درد کو سینہ میں دبائے رکھیے

آپ کی شکل بھی پہچان سکے آئینہ

ایسی صُورت تو بہرحال بنائے رکھیے

ہر چند کہ انصاف کا خواہاں بھی وہی ہے

 ہر چند کہ انصاف کا خواہاں بھی وہی ہے

قاتل بھی وہی اور نگہباں بھی وہی ہے

بربادیٔ گلشن کا جو سامان بنا تھا

بربادیٔ گلشن پہ پشیماں بھی وہی ہے

ہے نسبت نومیدیٔ تاریکیٔ شب جو

اک مژدۂ امید فروزاں بھی وہی ہے

دشت غربت میں ہو یا منزل جاناں کے قریب

 دشتِ غُربت میں ہو یا منزلِ جاناں کے قریب

حادثے رہتے ہیں ہر دور میں انساں کے قریب

دُور ہو کر بھی وہ رہتا ہے رگِ جاں کے قریب

ہم گُنہ گار تو ہیں رحمتِ یزداں کے قریب

ایک مُدت ہوئی اُجڑے ہوئے دُنیائے سکون

آپ کیا ڈھونڈ رہے ہیں دلِ ویراں کے قریب

طوفاں نظر میں ہے نہ کنارا نظر میں ہے

 طوفاں نظر میں ہے نہ کنارا نظر میں ہے

اک عزم معتبر کا سہارا نظر میں ہے

وہ دن گئے کہ تیرگیٔ شب کا تھا ملال

اب جلوۂ سحر کا نظارا نظر میں ہے

حسن نمود صبح کا اللہ رے کمال

بہتا ہوا وہ نور کا دھارا نظر میں ہے

چشم کرم جو آپ کی شاہ زمن پڑے

 عارفانہ کلام حمد نعت منقبت

چشم کرم جو آپ کی شاہِ زمنؐ پڑے

کشتِ ثمر یہ سایۂ باغِ عدن پڑے

خود منزلیں تھیں عازمِ طیبہ کی منتظر

راہِ طلب میں سینکڑوں کوہ و دمن پڑے

آنکھوں کے آئینے میں ہیں انوار اس طرح

شبنم پہ ماہتاب کی جیسے کرن پڑے

کسی مزار پہ آ کر وہ رو نہیں سکتا

 کسی مزار پہ آ کر وہ رو نہیں سکتا

یہ کوئی اور ہے وہ شخص ہو نہیں سکتا

بیانِ رنج و الم میرا سن رہا ہے، مگر

وہ میری آنکھ کے آنسو تو رو نہیں سکتا

یہی بہت ہے اگر میرے ساتھ ساتھ چلے

وہ میرے بخت کے پتھر تو ڈھو نہیں سکتا

دل کسی سے کہیں لگا رکھنا

 دل کسی سے کہیں لگا رکھنا

اپنے جینے کا مُدعا رکھنا

ہو نہ ہو گھر میں آئینہ لیکن

اپنے دل میں تو آئینہ رکھنا

کام آئے گا وقت رُخصت کے

ایک آنسو کہیں چُھپا رکھنا

زندگانی خراب کر ڈالی

 زندگانی خراب کر ڈالی

تھی حقیقت سراب کر ڈالی

اس کی آنکھوں نے وہ سوال کیے

ہر زباں لا جواب کر ڈالی

طاقِ نسیاں کی نذر کر دے گا

پیش کس کو کتاب کر ڈالی

سطح پس درون نئے نقش لائیے

 سطحِ پسِ درون نئے نقش لائیے

مجھ کو مِرے مزاج سے بہتر بنائیے

حکمِ غنی سے آئے تو ہم آ چکے بہت

لفظوں پہ التماس کی خُوشبو لگائیے

اپنی انا پہ ظُلم نہ کیجے مسافرین

کہہ کیوں رہے ہیں آپ کہ جاتے ہیں جائیے

لطف رب عالی نسب والا حسب زہرا لقب

 عارفانہ کلام حمد نعت منقبت

لطف رب، عالی نسب، والا حسب، زہراؑ لقب

نُورِ چشم پاک سلطانِ عرب، زہرا لقب

آپؐ کا اسمِ گرامی اور یہ خاکی زباں

گُنگ ہے لہجہ مِرا بہر ادب، زہرا لقب

حامل راز و نیاز سرورﷺ کون و مکاں

سید عالمؐ کی راحت کا سبب، زہرا لقب

کیا تیری سانسیں بھی میرے ہونے کی محتاج ہیں

 میں نے سوچا 

ایک دن تیری زندگی سے 

غائب ہو کر دیکھوں 

دیکھوں یہ کہ 

کیا تیری سانسیں بھی 

میرے ہونے کی محتاج ہیں 

عینی اسد

دور کہیں جا کر اک دنیا بسائیں ہم

 ماہیا٭/ثلاثی/سہ حرفی/ہائیکو/تروینی/ترائلے

کھو کر پائیں ہم

دور کہیں جا کر

اک دنیا بسائیں ہم

ہمت رائے شرما 

چار جانب زہر پھیلا جا رہا ہے

 لوٹ چلیے

چند لقمے، کچھ کتابیں

ایک بستر، ایک عورت

اور کرائے کا یہ خالی تنگ کمرا

آج اپنی زیست کا مرکز ہیں، لیکن

تیرگی کا غم انہیں بھی کھا رہا ہے

چار جانب زہر پھیلا جا رہا ہے

جینے کی کشمکش کا نتیجہ سمجھ لیا

 جینے کی کشمکش کا نتیجہ سمجھ لیا

جینا ہے موت، موت ہے جینا سمجھ لیا

یہ بھول میری ہی تھی کہ تشریح کے بغیر

میں نے ہر ایک شخص کو دھوکا سمجھ لیا

ہے کردگار کا ہی اداکار، اس لیے

شیطان کو بھی میں نے فرشتہ سمجھ لیا

عشق کو بار زندگی نہ کہو

 عشق کو بار زندگی نہ کہو

بات اتنی بھی بے تکی نہ کہو

دل کو جس میں ہو فکر سود و زیاں

اس تجارت کو عاشقی نہ کہو

کچھ تو مرنے کا حوصلہ دکھلاؤ

صرف جینے کو زندگی نہ کہو

مجھ کو جب بھی ملی خوشی سوہل

 مجھ کو جب بھی ملی خُوشی سوہل

چھین کر چل دی بے دلی سوہل

تنگ جب کرتی زندگی سوہل

جی میں آتی ہے خُودکشی سوہل

جب سے کچھ لوگ اس جہاں سے گئے

میری دُنیا اُجڑ گئی سوہل

نظر کے سامنے پھرتی ہے روضۂ پاک کی جالی

 عارفانہ کلام حمد نعت منقبت

نظر کے سامنے پھرتی ہے روضۂ پاک کی جالی

بُلا لے پھر مدینے میں، مِرے تقدیر کے والی

جبینِ عشق میں احساس کے سجدے تڑپتے ہیں

جو دیکھا ہے مدینے میں وہی جلوے تڑپتے ہیں

میں عاصی ہوں مگر مجھ کو بھروسہ ہے شفاعت پر

عنایت آپﷺ کی درکار ہے اپنی عقیدت پر

آسماں بھی پکارتا ہے مجھے

 آسماں بھی پُکارتا ہے مجھے

آشیاں بھی لُبھا رہا ہے مجھے

عکس آخر کہاں گیا میرا؟

آئینہ کیوں چُھپا رہا ہے مجھے

مجھ میں سُورج اُگا کے چاہت کا

وہ سویرا سا کر گیا ہے مجھے

یاد رفتہ ترا غم منانے کے ہم

 یاد رفتہ تِرا غم منانے کے ہم

رہ گئے صرف پر پھڑپھڑانے کے ہم

مدتوں عہد نو سے الجھتے رہے

اس جہاں میں پرانے زمانے کے ہم

آدمی جس میں انساں بنائے گئے

کاش ہوتے اسی کارخانے کے ہم

خوش نظر ہے نہ خوش خیال ہے یہ

 خوش نظر ہے نہ خوش خیال ہے یہ

آج کے دیدہ ور کا حال ہے یہ

تم مرے دل میں کیوں نہیں آتے

شہر رعنائی جمال ہے یہ

میرے چہرے پہ کچھ نہیں تحریر

صرف عنوان عرض حال ہے یہ

دی ہے اگر حیات تمنا کئے بغیر

 دی ہے اگر حیات تمنا کیے بغیر

اب موت بھی عطا ہو تقاضا کیے بغیر

بازار زندگی ہے فقط گھومنے کی جا

کچھ بھی یہاں ملے گا نہ سودا کیے بغیر

میں بھی انا پسند ہوں لیکن کروں تو کیا

دل مانتا نہیں اسے سجدہ کیے بغیر

اب تو جگنو بھی نہیں راہ دکھانے والا

 اب تو جگنو بھی نہیں راہ دکھانے والا

شہر میں قید ہوا گاؤں سے آنے والا

پھر وہی عرض مِری حق و صداقت والی

پھر وہی عذر تِرا حیلہ بہانے والا

فرش گل جان کے خاروں پہ قدم رکھتا ہوں

کون ہے میرے لیے پلکیں بچھانے والا

کبھی تہی مرے دل کا حرم نہیں اے دوست

 کبھی تہی مِرے دل کا حرم نہیں اے دوست

خدا خدا ہے خیالی صنم نہیں اے دوست

یہاں کا حسن رہا بے نیازِ نظارہ

حریمِ کعبہ ہے بیت الصنم نہیں اے دوست

عجیب شے مِری قسمت کا بل ہے میرے لیے

اگرچہ یہ کوئی زلفوں کا خم نہیں اے دوست

حرم و دیر و کلیسا سے نکل آیا ہوں

 حرم و دَیر و کلیسا سے نکل آیا ہوں

تب کہیں جا کے میں انسان سے مل پایا ہوں

کالے پتھر پہ بھٹکتے ہوئے قدموں کے نشاں

مجھ سے ملیے میں نئی نسل کا سرمایہ ہوں

میں بھی احساس کی بھٹی میں پڑا ہوں یہ بتا

کیسے انگارے تِری ہلکوں پہ دیکھ آیا ہوں

درِ محبوب سے کچھ خاک اٹھا لایا ہوں

 عارفانہ کلام حمد نعت منقبت

درِ محبوبﷺ سے کچھ خاک اٹھا لایا ہوں

ساری دنیا کو میں مُٹھی میں سما لایا ہوں

جس کی گلیوں سے گزرتے رہے میری سرکارؐ

اپنی آنکھوں میں وہ شہر بسا لایا ہوں

اب ہوا نُور علیٰ نُور مِرے دل کا جہاں

اب مدینے کے قمرؐ سے میں جلا لایا ہوں

محبت کیا ہے ایک پھول کے مانند

 حقیقت

محبت کیا ہے؟

ایک پُھول کے مانند

جِس کو اِک نہ اِک دِن

بِکھر ہی جانا ہے

مگر

محبت اور پُھول کو

کہسار ہنر مجھ سے ابھی سر نہ ہوا تھا

 کہسار ہنر مجھ سے ابھی سر نہ ہوا تھا

میں چاک گریباں کا رفو گر نہ ہوا تھا

دیوار کی تحریر نے کوشش تو بہت کی

آموختہ اکثر مجھے ازبر نہ ہوا تھا

دنیا کے لیے مجھ میں کشش کس لیے ہوتی

گردش میں رہا میں کبھی محور نہ ہوا تھا

پاس رہ کر وہ مجھ سے دور رہا

 پاس رہ کر وہ مجھ سے دور رہا

ہاں، محبت میرا قصور رہا

جائیے جائیے، حضور کہیں

آئینہ کیوں مجھے ہے گھور رہا

جب بھی آئے جلے بھنے ہیں ملے

کوچۂ جاناں ہوں جیسے طُور رہا

قہقہوں کی زد سے یہ گوہر چھپا

 قہقہوں کی زد سے یہ گوہر چھپا

اپنی دولت سب سے چشم تر چھپا

آگ برسے گی ابھی کچھ دیر میں

چھوڑ میری فکر اپنا سر چھپا

وسعت عالم میں گنجائش نہیں

مجھ کو اپنی ذات کے اندر چھپا

جو دل گیا مرے سینے کا اضطراب گیا

 جو دل گیا مِرے سینے کا اضطراب گیا

بڑا سکون ملا ،۔ خانماں خراب گیا

نہ چل سکی کسی بیکس کی زور والوں سے

تھپیڑے موجوں کے کھاتا ہوا حباب گیا

رہے یہ دیر شہاب اس کے حُسن برہم کا

کہاں وہ لطف جو یہ نشۂ عتاب گیا

اب دل میں تری یاد اتر آتی ہے جیسے

 اب دل میں تِری یاد اتر آتی ہے جیسے

پردیس میں غمناک خبر آتی ہے جیسے

آتی ہے تِرے بعد خوشی بھی تو کچھ ایسے

اجڑے ہوے پیڑوں پہ سحر آتی ہے جیسے

لگتا ہے ابھی دل نے تعلق نہیں توڑا

یہ آنکھ تِرے نام پہ بھر آتی ہے جیسے

یوں بھی زبان حال سے فرمان نعت ہے

 عارفانہ کلام حمد نعت منقبت

یُوں بھی زبانِ حال سے فرمانِ نعت ہے

ذیشانِ دو جہاں ہے جو ذیشانِ نعت ہے

ارضِ حجاز، ارضِ درود و سلام بھی

عَرفاتِ نعت ہے، کہیں فارانِ نعت ہے

حیراں ہُوں بُو تُراب کے بابا کو پڑھ کے میں

دیوانِ شاعری ہے یا قرآنِ نعت ہے

محبت میں انا کو تولتا ہے

محبت میں انا کو تولتا ہے

وہ میرے ساتھ کم ہی بولتا ہے ہے

میرے بارے میں رکھتا ہے تجسس

وہ اپنے راز کم ہی کھولتا ہے

تمہارے ہجر کا لمحہ یقیناً

ہماری شاعری میں بولتا ہے

راکھ خوابوں کی کریدو گے تو کیا پاؤ گے

 راکھ خوابوں کی کریدو گے تو کیا پاؤ گے

اور کچھ اپنی اداسی کو سِوا پاؤ گے

چلچلاتی ہوئی اس دھوپ میں نکلو گے اگر

اپنے سائے کا بھی شاید نہ پتہ پاؤ گے

تنگ و تاریک سے اس گھر کے کسی گوشے میں

روشنی اب نہ وہ خوشبو، نہ ہوا پاؤ گے

دلبر کو دلبری سوں منا یار کر رکھوں

 دلبر کو دلبری سوں منا یار کر رکھوں

پیتم کو اپنے پیت سوں گلہار کر رکھوں

ایک نوم سوں جگاؤں اگر مردہ دل کے تئیں

تا حشر یاد حق منے بیدار کر رکھوں

رہتا ہے دل ہر ایک کا ہر ایک کام میں ایک

اپنا خیال صورت پرکار کر رکھوں

جدا کیا تو بہت ہی ہنسی خوشی اس نے

 جدا کیا تو بہت ہی ہنسی خوشی اس نے

بدل دیا ہے اب انداز بے رخی اس نے

وہ رنگ رنگ اڑا خوشبوؤں میں پھیل گیا

جھٹک دیا ہے مرا دامن تہی اس نے

جسے سنا کے مجھے خوف سر زنش سا رہا

اسی کلام پہ بڑھ چڑھ کے داد دی اس نے

طعنہ دینے والے کب سب کا غم سمجھتے ہیں

 طعنہ دینے والے کب سب کا غم سمجھتے ہیں

پم پہ جو گزرتی ہے، اس کو ہم سمجھتے ہیں

شر پسند جو بھی کچھ کہہ رہے ہیں کہنے دو

ہم وطن کے ہر غم کو اپنا غم سمجھتے ہیں

ان کو حالِ زار اپنا تھک گئے سنا کر ہم

وہ زیادہ سنتے ہیں اور کم سمجھتے ہیں

یہ حسن و رنگ یہ نور و نکھار آپ سے ہے

 عارفانہ کلام حمد نعت منقبت

یہ حسن و رنگ، یہ نور و نکھار آپﷺ سے ہے

حسین کعبہ، حسیں ہر بہار آپﷺ سے ہے

سکوں زمیں کو، فلک کو قرار آپﷺ سے ہے

ثباتِ عالمِ ہژدہ ہزار آپﷺ سے ہے

یہ کہکشاں، یہ ستارے، یہ پھول، یہ غنچے

یہ کائنات جناں در کنار آپﷺ سے ہے

محبت میں وفا والوں کو کب ایذا ستاتی ہے

 محبت میں وفا والوں کو کب ایذا ستاتی ہے

یہ وہ ہیں جن کو سولی پر بھی چڑھ کر نیند آتی ہے

جنون عشق کی منزل سے واقف ہی نہیں کوئی

ہماری چاک دامانی پہ دنیا مسکراتی ہے

مسافت راہِ الفت کی نہیں آساں دل ناداں

محبت ہر قدم پر سینکڑوں فتنے اٹھاتی ہے

لفظوں کا بوجھ دل کی تھکن بیچتے رہے

 سانسوں کی ہر کنواری جلن بیچتے رہے

ہم ایک دوسرے کا بدن بیچتے رہے

سب لوگ تم پہ مرتے تھے ہم نے یوں کیا

تیرے بغیر جینے کا فن بیچتے رہے

اس شہر میں وفا کا تقاضا عجیب تھا

ہم دور رہ کے اپنا ملن بیچتے رہے

جب جب اس کو یار منانا پڑتا ہے

 جب جب اس کو یار منانا پڑتا ہے

سرخ لبادہ اوڑھ کے جانا پڑتا ہے

تم مِری سوچوں پر قبضہ رکھتے ہو

تم سے مجھ کو عشق نبھانا پڑتا ہے

ہم جیسوں کو وحشت تب اپناتی ہے

اک چوکھٹ پہ سیس جھکاتا پڑتا ہے

فگن جہاں پہ ہے نفرت کا سائباں اب تک

 فگن جہاں پہ ہے نفرت کا سائباں اب تک

 دُھواں دُھواں ہے یہ مُدت سے آشیاں اب تک

 خیال میں بھی وہ خفگی عذاب دیتی ہے

 کہ سہ رہے ہیں صنم کی وہ سختیاں اب تک

 اُجاڑ پن میں گرِفتہ شعور ہار گیا

 اُداسیوں کی زباں پر ہیں گالیاں اب تک

حیدر نے در بنایا تھا جس کی جدار میں

 حیدرؑ نے در بنایا تھا جس کی جدار میں

بانہوں کو کھولے مہدیؑ کے ہے انتظار میں

ہے آپ کے ظہور کے لمحے سے متصل

جو آخری خوشی ہے دلِ سوگوار میں

مہدی سے بچ کے جانے لگیں گے اجل کے پاس

خود منکرینِ فاطمہؑ لگ کر قطار میں

خود فریبی مرا شعار سہی

 خود فریبی مِرا شعار سہی

آج پھر تیرا انتظار سہی

رکھ لیا حُسن کا بھرم میں نے

دامنِ عشق تار تار سہی

جن کو جانا ہے وہ تو جائیں گے

کُوئے جاناں نہیں تو دار سہی

تیرے نیناں کی تیر اندازی

 تیرے نیناں کی تیر اندازی

ہو گیا ہے مراد بھی راضی

جنگ ہے حسن و عشق میں جاری

دیکھیے جیت لے کون بازی

تیری آنکھوں سے معرکہ آراء

کچھ شہید اور کچھ ہوئے غازی

ہاں مکمل ہی تب ہوا ہوں میں

 ہاں! مکمل ہی تب ہوا ہوں میں

تیرے ہاتھوں سے جب بنا ہوں میں

سوچتا ہوں کہ جل نہ جاؤں کہیں

تُجھ کو چُھونے سے ڈر رہا ہوں میں

ایک ناقہ سوار کے پیچھے

وقت  کے ساتھ چل رہا ہوں میں

تھے بھی شاید کبھی مگر تو نہ تھے

 تھے بھی شاید کبھی مگر تو نہ تھے

مبتلا غم میں اس قدر مگر تو نہ تھے

ہم نے تنہا گزار دی اپنی

زندگی! تیرے ہمسفر مگر تو نہ تھے

جس قدر اب ہوئے ہیں ہم محدود

سلسلے اتنے مختصر مگر تو نہ تھے

لاکھ گرتے ہیں پھر سنبھلتے ہیں

 لاکھ گرتے ہیں، پھر سنبھلتے ہیں

اہلِ حق مُشکلوں میں پلتے ہیں

اپنی شدت پہ جب ہوائیں ہوں

تب ہمارے چراغ جلتے ہیں

حق پہ مرنا، ہماری موت نہیں

ہم فنا سے بقا میں ڈھلتے ہیں

اللہ مہرباں ہے محمد کے شہر میں

 عارفانہ کلام حمد نعت منقبت

اللہ مہرباں ہے محمدﷺ کے شہر میں

ہر شخص شادماں ہے محمدﷺ کے شہر میں

کیا رت ہے کیا سماں ہے ہے محمدﷺ کے شہر میں

ہر چیز نعت خواں ہے محمدﷺ کے شہر میں

دنیا کے ساتھ ساتھ ملی آخرت کی خیر

انعامِ دو جہاں ہے محمدﷺ کے شہر میں

خرد کا کینوس آخر بڑھا ہے

 خِرد کا کینوس آخر بڑھا ہے

قدِ آدم گھٹا تو کیا ہوا ہے

بسوں میں صبح کا سورج نکل کر

اندھیری فائلوں میں کھو گیا ہے

ہتھوڑے پر ہے محنت رقص فرماں

مشینوں سے ترنم پھوٹتا ہے

میں بے زبان ہوں اسے خو ہے سوال کی

 میں بے زبان ہوں اسے خو ہے سوال کی

کیسے نکل سکے کوئی صورت وصال کی

کیسے بتاؤں میں کہ وہ کتنا حسین ہے

عاجز ہیں وسعتیں مِرے خواب و خیال کی

اتنا وہ میری ذات سے غافل کبھی نہ تھا

شاید خبر نہ ہو گی اسے میرے حال کی

آگ زخموں کی جلا کر دیکھو

 آگ زخموں کی جلا کر دیکھو

جی کو اک روگ لگا کر دیکھو

کتنی معصوم ہے روداد حیات

خود کو آسیب بنا کر دیکھو

شکوۂ نیم نگاہی ہے غلط

پھر تو چہرہ ہی ملا کر دیکھو

یادوں کے انبار لگے تھے

 یادوں کے انبار لگے تھے

خالی پیکٹ بھرے پڑے تھے

جانے کون سا دکھ حاوی تھا

جانے کیوں اتنا ہنستے تھے

اس بیزار گلی سے ہو کر

ہم اکثر آتے جاتے تھے