کچھ تجھ کو خبر ہے ہم کیا کیا اے شورشِ دوراں بُھول گئے
وہ زُلف پریشاں بُھول گئے، وہ دیدۂ گریاں بُھول گئے
اے شوق نظارہ کیا کہئے، نظروں میں کوئی صورت ہی نہیں
اے ذوقِ تصور کیا کیجئے، ہم صورتِ جاناں بُھول گئے
اب گل سے نظر ملتی ہی نہیں، اب دل کی کلی کِھلتی ہی نہیں
اے فصلِ بہاراں رُخصت ہو، ہم لطفِ بہاراں بُھول گئے
سب کا تو مداوا کر ڈالا، اپنا ہی مداوا کر نہ سکے
سب کا تو گریباں سی ڈالا، اپنا ہی گریباں بُھول گئے
یہ اپنی وفا کا عالم ہے، اب ان کی جفا کو کیا کہئے
اِک نشتر زہر آگیں رکھ کر نزدیک رگِ جاں بُھول گئے
وہ زُلف پریشاں بُھول گئے، وہ دیدۂ گریاں بُھول گئے
اے شوق نظارہ کیا کہئے، نظروں میں کوئی صورت ہی نہیں
اے ذوقِ تصور کیا کیجئے، ہم صورتِ جاناں بُھول گئے
اب گل سے نظر ملتی ہی نہیں، اب دل کی کلی کِھلتی ہی نہیں
اے فصلِ بہاراں رُخصت ہو، ہم لطفِ بہاراں بُھول گئے
سب کا تو مداوا کر ڈالا، اپنا ہی مداوا کر نہ سکے
سب کا تو گریباں سی ڈالا، اپنا ہی گریباں بُھول گئے
یہ اپنی وفا کا عالم ہے، اب ان کی جفا کو کیا کہئے
اِک نشتر زہر آگیں رکھ کر نزدیک رگِ جاں بُھول گئے
اسرار الحق مجاز
(مجاز لکھنوی)
(مجاز لکھنوی)
No comments:
Post a Comment