کچھ غمِ جاناں کچھ غمِ دوراں دونوں میری ذات کے نام
ایک غزل منسوب ہے تجھ سے ایک غزل حالات کے نام
موجِ بلا دیوارِ سحر پر اب تک جو کچھ لکھتی رہی
میری کتاب زیست کو پڑھئے درج ہیں سب صدمات کے نام
صحرا زنداں طوق سلاسل آتشِ زہر اور دار و رسن
اس کی گلی سے مقتلِ جاں تک مسجد سے میخانے تک
الجھن پیاس خلش تنہائی کرب زدہ لمحات کے نام
گِرتے خیمے جلتی طنابیں آگ کا دریا خوں کی نہر
ایسے منظّم منصوبوں کو کیسے دوں آفات کا نام
روشن چہرہ بھیگی زلفیں دوں کس کو کس پر ترجیح
ایک قصیدہ دھوپ کا لکھوں ایک غزل برسات کے نام
جن کے لئے مر مر کے جئے ہم کیا پایا ان سے منظورؔ
کچھ رسوائی کچھ بدنامی ہم کو ملی سوغات کے نام
ملک زادہ منظور احمد
No comments:
Post a Comment