سُر جگاتی ہوئی آواز پہ مائل نہ ہوا
ایسا پتھر تھا کسی ساز پہ مائل نہ ہوا
اس نے زندان کا دروازہ کھُلا چھوڑ دیا
میں رہا ہو کے بھی پرواز پہ مائل نہ ہوا
خوفِ انجام سے نیت میں کئی چھید ہوئے
اور دل، ربط کے آغاز پہ مائل نہ ہوا
حضرتِ عشق نے معیار پہ سودا نہ کیا
پر یقیں حُسنِ دغا باز پہ مائل نہ ہوا
شکریہ، بندِ قبا کھول کے بیٹھی دنیا
معذرت، دل تیرے انداز پہ مائل نہ ہوا
مصطفیٰ جاذب
No comments:
Post a Comment