اپنی تعبیر کے زندان میں مر جاتے ہیں

 اپنی تعبیر کے زندان میں مر جاتے ہیں

مُٹھی کھولوں تو مِرے خواب بِکھر جاتے ہیں

اب تو عرصے سے مجھے ہوش نہیں ہے اپنا

لوگ آتے ہیں خود ہی دل میں ٹھہر جاتے ہیں

مِرے حلقے میں منافق بھی بسے رہتے ہیں

آئینہ دیکھ کے شرماتے ہیں، مر جاتے ہیں

پھر یہ سوچا تھا کہ بالکل نہیں ملنا اب تو

حد بھی ایسی ہے کہ چُپ چاپ گزر جاتے ہیں

وعدہ کر کے بھی کوئی ہوتے ہیں ایسے مخلص

جانے انجانے میں ہر بار مکر جاتے ہیں

عشق کا ڈھنگ تو سیکھو ذرا پروانوں سے

مرتے مرتے ہی کوئی کام تو کر جاتے ہیں

یوں تو آہٹ سے بھی ہم تھے کبھی لرزاں ماجد

اب تو طوفان بھی آ جائے سنور جاتے ہیں

عبدالماجد ہاشمی