ساحل پہ کیا ہے بحر کے اندر تلاش کر

 ساحل پہ کیا ہے بحر کے اندر تلاش کر

گہرائیوں میں ڈوب کے گوہر تلاش کر

جس میں حیات بخش نظارا دکھائی دے

گلزار زندگی میں وہ منظر تلاش کر

دیتے ہیں اب صدا تجھے مریخ و ماہتاب

کیا کیا ہیں ان کی گود میں جا کر تلاش کر

ساتوں رنگ کھلا نہیں پائے ہم بھی تو

 ساتوں رنگ کھلا نہیں پائے ہم بھی تو

موسم اس کے لا نہیں پائے ہم بھی تو

ڈوبتے کیسے برف جمی تھی دریا میں

سانسوں سے پگھلا نہیں پائے ہم بھی تو

جس کی تہمت رکھی اپنے بزرگوں پر

وہ دیوار گرا نہیں پائے ہم بھی تو

بھولنے والے مجھے میں تو تری پہچان تھا

 آج سے پہلے میں کب تیرے لیے انجان تھا

بھولنے والے مجھے، میں تو تری پہچان تھا

دل سے چین آنکھوں سے نیندیں چھین کر سب لے گیا

کس قدر بے رحم تیری یاد کا طوفان تھا

تھی زمانے کی نظر اک نشترِ غم ہر نفس

کچھ ہمارے دل میں ہی احساس کا فقدان تھا

خلوت میں خیالوں کی یہ انجمن آرائی

 خلوت میں خیالوں کی یہ انجمن آرائی

آباد ہے اب کتنا ویرانۂ تنہائی

ایسے بھی مراحل کچھ آئے رہ ہستی میں

محسوس ہوا منزل خود پاس چلی آئی

تو شمع مسرت ہے غم خانۂ امکاں میں

دم سے ترے قائم ہے ہر بزم کی رعنائی

کوئی نہیں آتا لاشہ خود اٹھ جاتا ہے

 لاشہ

ہر صبح یہ لاشہ، یہ بستر

آنکھیں، جو ہمیشہ کھلی رہتی ہیں

پاؤں، جو ہمیشہ دبے رہتے ہیں

ہونٹ، جو گلے سے ربط کھو چکے ہیں

آواز، جو اسی ربط میں ٹوٹ چکی ہے

دل، جس کا اب کوئی ساز نہیں

اٹھ گئی ہے محبت میرے شہر سے

 اُٹھ گئی ہے محبّت میرے شہر سے

آؤ چلتے ہیں ہم بھی کہیں دوستو

اپنی قسمیں، وہ وعدے، وہ اپنا بھرم

اب تو پہلے سا کچھ بھی نہیں دوستو

ساتھ چلنا تھا گرچہ یہیں تک مِرے

خواب منزل کے پھر نہ دِکھاتے مجھے

دل ہے بیتاب التجا کے لئے

 دل ہے بیتاب التجا کے لیے

چھیڑ دو بات ابتدا کے لیے

بوئے گل لوٹتی لٹاتی ہے

مشغلہ خوب ہے صبا کے لیے

موج طوفاں میں اب مری کشتی

ناخدا چھوڑ دے خدا کے لیے

ہفتے گزرے ہیں سال بدلا ہے

 بے خبری

ہفتے گزرے ہیں، سال بدلا ہے

کیا خبر کس کا حال بدلا ہے

کون آیا گیا یہ کیا جانوں

کون مانا ، نہ مانا ، کیا جانوں

کیا بتاؤں تمہیں زمانے کا

کس کے جھنڈے کا یا ترانے کا

میرے دشمن مجھے کاندھوں پہ اٹھانے آئے

 میرے دشمن مجھے کاندھوں پہ اٹھانے آئے

دوست احباب تو بس رسم نبھانے آئے

ایک ہی لمحہ غافل تھا میسر مجھ کو

یاد اس لمحے میں کیا کیا نہ زمانے آئے

گھر سے نکلا تھا تو کیا کیا مجھے خوش فہمی تھی

دربدر ہو کے میرے ہوش ٹھکانے آئے

آؤ کریں یہ وعدہ سبھی بھولنا نہیں

 عارفانہ کلام حمد نعت منقبت

آؤ کریں یہ وعدہ سبھی، بھولنا نہیں

اک دوسرے کو ہم نے کبھی بھولنا نہیں

ممکن ہے بھول جائے کبھی ایک عمر بعد

بے کار کھپ رہا ہے ابھی بھولنا نہیں

رکھ لینا لاج قبر میں، میدانِ حشر میں

اس امتی کو میرے نبیﷺ، بھولنا نہیں

تنور وقت کی حدت سے ڈر گئے ہم بھی

 تنور وقت کی حدت سے ڈر گئے ہم بھی

مگر تپش میں تپے تو نکھر گئے ہم بھی

جہاں پہنچ کے مسافر کے رخ بدلتے ہیں

رہ حیات کے اس موڑ پر گئے ہم بھی

جلا دیا تھا سفینہ اتر کے ساحل پر

جنون فتح میں کیا کیا نہ کر گئے ہم بھی

دوستوں کی بزم سے اس دن نکل جائیں

 دوستوں کی بزم سے، اُس دن نکل جائیں

اُن میں سے اکثر کہ جب تیور بدل جائیں

خاص کر دشمن کی تو حاجت نہیں رہتی

آستیں کے سانپ جب اپنوں میں مل جائیں

دیکھنا مڑ کر تو پھر عزت کا سودا ہے

چھوڑ کر ہم جب کوئی محفل نکل جائیں

مرنے والے کو جانتا ہے کیا

 بیٹھا سینے میں جھانکتا ہے کیا؟

دل کے اندر بھی راستہ ہے کیا؟

پیچھے مڑ مڑ کے دیکھنے والے

کوئی روزن سے دیکھتا ہے کیا؟

عشق الفت سے آگے کی شے ہے

سوچنا کیا تھا، سوچتا ہے کیا؟

دیکھو تو وہ خواب سہانا لگتا ہے

 دیکھو تو وہ خواب سہانا لگتا ہے

سوچو تو آسیب پرانا لگتا ہے

پہلے بھی کب تو نے سچی بات کہی

اب کے بھی یہ ایک بہانا لگتا ہے

جانے کون سا اصلی روپ ہے ساجن کا

پل میں اپنا پھر بیگانہ لگتا ہے

زندگی جاتے جاتے یہ کیا کہہ گئی

 زندگی جاتے جاتے یہ کیا کہہ گئی

موت کچھ فاصلے پر کھڑی رہ گئی

کوئی بھی سخت جاں تجھ سا دیکھا نہیں

جاتے جاتے مجھے ہر بلا کہہ گئی

جو زباں نے کہی وہ ادھوری رہی

بات پوری مری خامشی کہہ گئی

بات بنائیں بگڑ گئی دودھ میں دراڑ پڑ گئی

 دودھ میں دراڑ پڑ گئی

خون کیوں سفید ہو گیا

بھید میں ابھید کھو گیا

بٹ گئے شہید، گیت کٹ گئے

کلیجے میں کٹار گڑ گئی

دودھ میں دراڑ پڑ گئی

کھیتوں میں بارودی گندھ

میں پھر لوٹ چلی ہوں ان نظموں کی جانب

 میں پھر لوٹ چلی ہوں

ان نظموں کی جانب

جو قلم تک آتے آتے رہ گئیں

اس کتاب کی جانب

جو تمہاری بک بک سے ادھوری رہ گئی

اس برسات کی جانب

اگر حضور کی چوکھٹ ہی روشنائی نہ دے

 عارفانہ کلام حمد نعت منقبت

اگر حضور کی چوکھٹ ہی روشنائی نہ دے

جہاں میں کوئی بھی شے دوستو دکھائی نہ دے

خدایا چھین لے ایسی مری سماعت کو

کہ کوئی نعت پڑھے اور مجھے سنائی نہ دے

درِ رسولﷺ سے ہو دور تو دعا ہے مری

کسی کو ایسی خدا پاک پارسائی نہ دے

سر بسجدہ ہیں جو تیرے آستاں کے سامنے

 سر بسجدہ ہیں جو تیرے آستاں کے سامنے

جھک نہیں سکتے وہ جور آسماں کے سامنے

جب زمانہ بے مروت ہے تو شکوہ کیا کریں

اس بتِ نا مہرباں کا مہرباں کے سامنے

چھوڑ دی جب رہبروں نے رہزنی تو بالیقین

منزلیں ہی منزلیں ہیں کارواں کے سامنے

تو بھی لگے موہوم ترے نقش قدم بھی

 تو بھی لگے موہوم ترے نقش قدم بھی

ٹُوٹے نہ کسی دن مِرے سجدوں کا بھرم بھی

کیا وعدۂ فردا کا کرے کوئی بھروسہ

ہے یاد مجھے تُو بھی تِرے قول و قسم بھی

لہراتا اُٹھا ہوں کسی مخموُر کی صُورت

رکھنا تھا مجھے ساقئ محفل کا بھرم بھی

چاہتی ہے آخر کیا آگہی خدا معلوم

 چاہتی ہے آخر کیا آگہی خدا معلوم

کتنے رنگ بدلے گی زندگی خدا معلوم

کل تو خیر اے رہبر تیرے ساتھ رہرو تھے

آج کس پہ ہنستی ہے گمرہی خدا معلوم

اب بھی صبح ہوتی ہے اب بھی دن نکلتا ہے

جا چھپی کہاں لیکن روشنی خدا معلوم

کون پڑتا ہے یہاں اب عشق کی افتاد میں

 کون پڑتا  ہے یہاں اب عشق کی افتاد میں 

دم بھلا باقی کہاں ہے تیشۂ فرہاد میں

منہدم جو ہو گئی ہے آندھیوں کے زور سے

نقص کوئی تھا کہیں تعمیر کی بنیاد میں 

نوچ کر سب طائرانِ گلستان کے بال و پر

آج گُل چیں آ گیا ہے پنجۂ صیاد میں

میں اس کے پاس ایسے وقت میں پہنچا

 میں اس کے پاس ایسے وقت میں پہنچا

جبکہ وہ چلمن کے پاس جامۂ خواب کے علاوہ 

سونے کے لیے (سب) کپڑے نکال چکی تھی

(جب میں اس کے پاس پہنچا) تو وہ بولی، خدا کی قسم تیرے لیے اب کوئی عذر نہیں

اور میں نہیں خیال کرتی کہ تجھ سے یہ (عشق کی) گمراہی زائل ہو جائے گی

میں اس کو ایسے حال میں لے کر نکلا کہ وہ چل رہی تھی

حضور آپ کا رستہ ہی تو ہے راہ نجات

 عارفانہ کلام حمد نعت منقبت

لبوں کو چھو کے جو پانی بنا ہو آبِ حیات

اب اس کے سامنے کچھ بھی نہیں ہے قندونبات

حضورؐ آپ کے رستے سے ہٹ کے کیسے چلوں

حضورﷺ آپ کا رستہ ہی تو ہے راہِ نجات

حضورﷺ آپ کی خاطر ہی تو بنائے گئے

زمین و آسماں یعنی تمام کائنات

جیون کی پھلواری رکھ

 جیون کی پھلواری رکھ

مرنے کی تیاری رکھ

آنکھوں میں ہو بس مچھلی

دل میں دنیا ساری رکھ

خوشیاں آتی جاتی ہیں

غم سے تھوڑی یاری رکھ

آنکھ ٹپکائے نا لہو دل کا

 آنکھ ٹپکائے نا لہو دل کا

فائدہ کچھ تو غم کے حاصل کا

دن بھکاری کی آرزو کی طرح

رات کشکول جیسے سائل کا

کس کو نظم حیات نے مارا

شور زنداں میں ہے سلاسل کا

زمیں پر رینگنے والوں کا کوئی گھر نہیں ہوتا

 مہاجر بچے

زمیں پر رینگنے والوں کا کوئی گھر نہیں ہوتا

نہ ماں کی چھاتیوں میں دودھ ہوتا ہے

نہ منہ پر نور ہوتا ہے

بدن پر بس خراشیں اور لہو کے داغ ہوتے ہیں

انہیں خوابوں کو آنکھوں میں بسانے کی اجازت

ہم جو دستِ طلب کے مارے ہیں

 ہم جو دستِ طلب کے مارے ہیں

“ساری دنیا کے غم ہمارے ہیں“

ہم طلب گار تھے کبھی ان کے

یہ جو روشن فلک پہ تارے ہیں

بھری دنیا میں کس طرح تنہا

پوچھ مت میں نے دن گزارے ہیں

برتر ہو مسلمان یہ ایمان تمہارا

 عیسیٰ ہو مریضوں پہ ہے احسان تمہارا

مرتا ہوں نہیں میری طرف دھیان تمہارا

جو مجھ کو ستاتی ہے وہ ہے یاد تمہاری

جو دل سے نہ جاتا ہے وہ ارمان تمہارا

دل چھین لیے جاتے ہو، لے جاؤ دعا بھی

اچھے رہو اللہ ہو نگہبان تمہارا

عنایتوں کا حسیں سلسلہ محمد ہیں

 عارفانہ کلام حمد نعت منقبت

عنایتوں کا حسیں سلسلہ محمّدﷺ ہیں

دُکھی دلوں کا فقط آسرا محمّدﷺ ہیں

ہم ایسے لوگ برس ہا برس سے درد میں ہیں

ہمارے واسطے حتمی دوا محمّدﷺ ہیں

ہو جاں کنی، یا ہو برزخ، یا ہو حساب کا دن

ہمارا سب ہی جگہ حوصلہ محمّدﷺ ہیں

بھلے دریا کا پانی ہو کہ اشکوں کی روانی ہو

 تمہیں کیا ہے

بھلے دریا کا پانی ہو

کہ اشکوں کی روانی ہو

کوئی اپنا پرایا ہو

ہمارا ہو

شجر کا آخری پتا

خزاں کا استعارہ ہو

ٹھاٹھ باٹھ آن بان مذہب کی

 ٹھاٹھ باٹھ آن بان مذہب کی

چل رہی ہے دکان مذہب کی

انتقام اس طرح بنامِ جہاد

تیر اپنے، کمان مذہب کی

سارے جِن عاملوں کے قبضے میں

جن کے قبضے میں جان مذہب کی

منسوب تھے جو عہد جدائی کے باب سے

 منسوب تھے جو عہد جدائی کے باب سے

ہم نے ورق وہ پھاڑ دئیے ہیں کتاب سے

یوں جھانکتے ہیں آپ کے جلوے نقاب سے

جیسے شعاعیں مہر کی پھوٹیں سحاب سے

زہراب دے کے قتل کے مجرم نہ تم بنو

ہم بادہ خوار ہیں، ہمیں مارو شراب سے

طالب عشق ہے کیا سالک عریاں نہ ہوا

 طالب عشق ہے کیا سالک عریاں نہ ہوا

قرب مہجور ہوا واصل جاناں نہ ہوا

ہیں جنوں جوش وہی جذب کا نسیاں نہ ہوا

قطرہ دریا جو ہوا آئینہ حیراں نہ ہوا

کیا سیہ مست ہوا کیف میں رقصاں نہ ہوا

جام سر جوش سے بھی سالک وجداں نہ ہوا

روشنی ہو نہ سکی شام کے ہنگام کے ساتھ

 روشنی ہو نہ سکی شام کے ہنگام کے ساتھ

اور ہم دِیپ جلاتے رہے ہر شام کے ساتھ

دور بڑھتا ہی گیا حسرت ناکام کے ساتھ

دل میں اک ٹِیس اٹھی آپ کے ہنگام کے ساتھ

آپ نے پُرسش غم کا بھی تکلف نہ کیا

دل میں ہم جلتے رہے حسرت ناکام کے ساتھ

کچے دھاگے پہ نہ جا اس کا بھروسا کیا ہے

 کچے دھاگے پہ نہ جا اس کا بھروسا کیا ہے

ناصحا! رِندِ بلا نوش کی توبہ کیا ہے

چین لینے نہیں دیتی تو کسی بھی صورت

زندگی! کچھ تو بتا دے تِرا منشا کیا ہے

حال تیرا بھی یہی ہو گا سن اے غنچۂ نو

دیکھ کر پھول کے انجام کو ہنستا کیا ہے

بارش ہوئی تو شہر کے تالاب بھر گئے

 بارش ہوئی تو شہر کے تالاب بھر گئے

کچھ لوگ ڈوبتے ہوئے دھل کر نکھر گئے

سورج چمک اٹھا تو نگاہیں بھٹک گئیں

آئی جو صبح نو تو بصارت سے ڈر گئے

دریا بپھر گئے تو سمندر سے جا ملے

ڈوبے جو ان کے ساتھ کنارے کدھر گئے

سفر ہو سخت تو رک رک کے پیاس لگتی ہے

 بہت نڈھال بہت بد حواس لگتی ہے

یہ بھیڑ شہر کی کتنی اداس لگتی ہے

تلاش آب میں مقصد نہ فوت ہو جائے

سفر ہو سخت تو رک رک کے پیاس لگتی ہے

وہ جس سے ہم نے ہمیشہ ہی دوریاں رکھیں

اب اس کی بات میں مجھ کو مٹھاس لگتی ہے

زندگی گلشن میں بھی دشوار ہے تیرے بغیر

 زندگی گلشن میں بھی دشوار ہے تیرے بغیر

اس چمن کا پھول بھی اک خار ہے تیرے بغیر

زندگانی عشق کی ناکامیوں میں صرف کی

زندگی کا لطف بھی دشوار ہے تیرے بغیر

تیری صورت سامنے ہوتی تو میں کہتا غزل

مجھ پہ ذوق شاعری اک بار ہے تیرے بغیر

میرے گھر سے خوشیوں کے تہوار ہجرت کر گئے

 میرے گھر سے خوشیوں کے تہوار ہجرت کر گئے

جب سے خوشیاں دینے والے یار ہجرت کر گئے

صحن کی دیوار کا دکھ یوں پرندوں نے لیا

چھوڑ کر گھر میں لگے اشجار ! ہجرت کر گئے

ایک ہجرت لازمی ہے دن بدلنے کے لیے

اس لیے ہم زندگی کے پار ہجرت کر گئے

عمارت حوصلوں کی صبر سے تعمیر کرنا ہے

 عمارت حوصلوں کی صبر سے تعمیر کرنا ہے

ہمیں خوابوں کی خود ہی دوستو! تعبیر کرنا ہے

یہ دھرتی مان ہے اپنا، یہی پہچان ہے اپنی

اسے آباد رکھنا ہے، اسے تطہیر کرنا ہے

تمہارا نام لکھنا ہے در و دیوار پر اپنے

ہمیں افسانہ الفت کا کوئی تحریر کرنا ہے

بچھڑ کے مجھ سے وہ میری ہی جستجو کرے گا

 بچھڑ کے مجھ سے وہ میری ہی جستجو کرے گا

کہ میری یادوں کے پانی سے اب وضو کرے گا

یونہی سناتے نہیں مجھ کو ہجر کے قصے

وہ شخص اپنی پہ آیا تو ہو بہو کرے گا

اتر رہا ہے فضاؤں میں زرد سا موسم

میں جانتی ہوں یہ کھیتوں کو بے نمو کرے گا

آسمانوں کے کھلے باب میں دیکھا جاتا

 آسمانوں کے کھلے باب میں دیکھا جاتا

میں کسی روز ترے خواب میں دیکھا جاتا

خاک ہوں اڑتا ہوں سچ ہے کہ میں آوارہ مزاج

پانی ہوتا بھی تو سیلاب میں دیکھا جاتا

بد شکن ہے یوں سرابوں میں دکھائی دینا

اس سے اچھا تو تھا گرداب میں دیکھا جاتا

ترے عشق نے دیا ہے وہ مقام خسروانہ

 تِرے عشق نے دیا ہے وہ مقام خسروانہ 

ہے جہاں جنوں حقیقت ہے جہاں خرد فسانہ 

یہ ہنوز کہہ رہا ہے سرِ راہ اک دِوانہ 

کوئی جا کے ان سے کہہ دے مِری عرض خادمانہ 

وہ رفو نظر سے کرنا مِری چاک دامنی کو 

تِری آنکھ کو مِلا ہے یہ ہنر رفو گرانہ 

جب بھی صلیب پر کوئی عیسیٰ دکھائی دے

 جب بھی صلیب پر کوئی عیسیٰ دکھائی دے

ساری فضا میں نور بکھرتا دکھائی دے

اس چاندنی کی زد سے بچا لے کوئی مجھے

میرا ہی سایہ مجھ کو ڈراتا دکھائی دے

پوشیدہ کائنات ہے اس سر زمین میں

دیکھو اسے جو دور سے نقطہ دکھائی دے

مقتدی کے لوٹنے کو مقتدا ہو جائیے

 مقتدی کے لوٹنے کو مقتدا ہو جائیے

رہزنی کرنا اگر ہو رہنما ہو جائیے

شیر کا جب سامنا ہو لومڑی بن جائیے

لومڑی کے سامنے خود بھیڑیا ہو جائیے

رنگ و روپ اپنا بدلتے رہیے پولیٹکس میں

لیڈری کرنا ہو گر بہروپیا ہو جائیے

اس کو ملے گی درد کی دولت جہان سے

 اس کو ملے گی درد کی دولت جہان سے

گزرے نہ کوئی میری طرح امتحان سے

میرے خدا مجھے تو زمیں پر اتار دے

گھبرا گیا ہے دل مرا اونچی اڑان سے

ایسا نہ ہو کہ کرب سے دیواریں رو پڑیں

زیادہ نہ بات کیجیے سُونے مکان سے

سکھ دکھ میں گرم و سرد میں سیلاب میں بھی ہیں

 سکھ دکھ میں گرم و سرد میں سیلاب میں بھی ہیں

یادیں تمہاری موسم شاداب میں بھی ہیں

ہونے لگی شکست جو ہر موڑ پر مجھے

دشمن پتہ چلا مِرے احباب میں بھی ہیں

دامن کو پاک رکھنے کے حق میں تھا میں مگر

وہ کہہ رہی تھی داغ تو مہتاب میں بھی ہیں

بچھڑ کر ان سے یاری آشنائی زہر لگتی ہے

 بچھڑ کر ان سے یاری آشنائی زہر لگتی ہے

یہ دنیا، یہ زمانہ، یہ خدائی زہر لگتی ہے

تلاشِ رزق میں پردیس جا سکتا ہوں میں لیکن

مجھے معصوم بچوں کی جدائی زہر لگتی ہے

لکھا ہے اک بہن نے؛ لوٹ کر کب گاؤں آؤ گے

مِرے بھیا! مجھے سُونی کلائی زہر لگتی ہے

خوشی ہو یا کہ غم کوئی ہمیشہ ساتھ چلتا ہے

 خوشی ہو یا کہ غم کوئی ہمیشہ ساتھ چلتا ہے

تمہاری یاد کا ننھا فرشتہ ساتھ چلتا ہے

وفاداری نبھانے کا ہنر اس سے کوئی سیکھے

کٹے ہیں سارے پر، پھر بھی پرندہ ساتھ چلتا ہے

میں چاہوں بھی تو جُھٹلا نہ سکوں گا تیری اُلفت کو

ابھی تک تیری اُلفت کا وہ تحفہ ساتھ چلتا ہے

جب جیب سے رقمیں لینی تھیں اور جیل کا خوگر ہونا تھا

 جب جیب سے رقمیں لینی تھیں اور جیل کا خوگر ہونا تھا

پھر تو پک پاکٹ کے بدلے قوم کا لیڈر ہونا تھا

جب مقصد سیر و سواری ہے پھر میرج کی حاجت ہی کیا

بے کار بنے اس مس کے شوہر، کار کا شوفر ہونا تھا

اس مس کی سانولی صورت کی کچھ اور بھی قلعی کھل جاتی

غازہ کے عوض مَلنے کے لیے اس رخ پر پوڈر ہونا تھا

چھوڑو رستہ مت روکو ہم دیوانوں کو جانے دو

 عارفانہ کلام حمد نعت منقبت 

چھوڑو رستہ، مت روکو ہم، دیوانوں کو، جانے دو

عاشق شمعِ رِحمتﷺ کے ہیں پروانوں کو، جانے دو

تم کیا جانو، اے دربانو، لذّت، اُلفت، چاہت کی

روکو گے تو لڑ جائیں گے، مستانوں کو  جانے دو

گلیوں، رستوں، چوراہوں پر، بیٹھیں گے ہم، دھرنوں پر

بھر دیں گے سب کورٹ، کچہری اور تھانوں کو، جانے دو

ہمیشہ لب پہ میٹھے بول رکھنا

 ہمیشہ لب پہ میٹھے بول رکھنا

محبت کے دریچے کھول رکھنا

فساد و خوف کی آب و ہوا ہے

شہر میں امن کا ماحول رکھنا

یہی تو راستے ہیں زندگی کے

خلوص و پیار میں مت جھول رکھنا

اہل زر کے عتاب ہیں کیا کیا

 اہل زر کے عتاب ہیں کیا کیا

مفلسوں پر عذاب ہیں کیا کیا

روٹی کپڑا مکان علم و ہنر

زندگی تیرے خواب ہیں کیا کیا

بھوک بے کاری جبر لاچاری

عہد نو کے عذاب ہیں کیا کیا

ٹھیک حالات کیوں نہیں کرتے

ٹھیک حالات کیوں نہیں کرتے

تُم کوئی بات کیوں نہیں کرتے

میں گر اتنا ہی یاد آتا ہوں

پھر ملاقات کیوں نہیں کرتے

دِن کو مِلتے ہو، میرے نام مگر

تُم کوئی رات کیوں نہیں کرتے

جہاں چھوڑا تھا تو اب تک وہیں ہے

 جہاں چھوڑا تھا تو اب تک وہیں ہے

مری جاں یہ محبت بھی نہیں ہے

بھروسہ تم پہ تھا سب سے زیادہ

ابھی تک تُو مرا کامل یقیں ہے

دغا جس نے دیا تھا ہم کو جاناں

ہمارے بیچ رہتا ہی کہیں ہے

مسجود شوق جب سے ترا آستاں ہوا

 دونوں کا تیرے نقش قدم سے نشاں ہوا

میری جبیں ہوئی کہ ترا آستاں ہوا

خود جل رہی تھی شمع جلاتی کسی کو کیا

پروانہ دل کے سوز سے آتش بجاں ہوا

دنیا پہ کیسے راز محبت کا کھل گیا

تم نے کہا نہ میری روز سے عیاں ہوا

معطر معطر معنبر معنبر مدینہ مدینہ مدینہ مدینہ

 عارفانہ کلام حمد نعت منقبت

معطّر معطّر معنبر معنبر مدینہ مدینہ مدینہ مدینہ

منور منور مطہر مطہر مدینہ مدینہ مدینہ مدینہ

وہ طیّب وہ اطیب مصفّٰی مصفّٰی وہ طیبہ وہ طابہ مجلّٰی مجلّٰی

گلستاں گلستاں وہ شہرِ معطّر مدینہ مدینہ مدینہ مدینہ

فضاؤں میں جس کی تجلّی تجلّی ہواؤں میں جس کی عجب روشنی سی

ہیں ذرّے بھی جس کے مہ و مہر و اختر مدینہ مدینہ مدینہ مدینہ

دل میں اک اضطراب رہنے دو

 دل میں اک اضطراب رہنے دو

زخم میرے گلاب رہنے دو

پیاس کا ایک دشت ہے مجھ میں

چشم کو زیر آب رہنے دو

اپنے احسان ہی جتاتے رہو

میرے غم کا حساب رہنے دو

یہ کس کا گھر جلا ہے ذرا فکر سی تو ہے

 یہ کس کا گھر جلا ہے ذرا فکر سی تو ہے

بستی میں تھوڑی دیر مگر روشنی تو ہے

دریا میں کون ڈوب گیا، یہ نہ سوچیے

ساحل پہ آج تھوڑی سی رونق لگی تو ہے

خوش ہو رہا ہے میرِ سپہ جنگ ہار کر

عزت چلی گئی ہے تو کیا زندگی تو ہے

فرش مقتل کو سجاؤ چاہ سے ارمان سے

 فرش مقتل کو سجاؤ چاہ سے ارمان سے 

رقص کرنے آئے ہیں ہم اک نئے عنوان سے 

دل ہے روشن زندگی کے اک نئے عرفان سے 

اپنا رشتہ کٹ چکا ہے کفر سے ایمان سے 

تنگ دامانی سے اپنی شرم آئے خود ہمیں 

درد کا رشتہ جو توڑیں ہم کسی انسان سے 

غموں کا بوجھ اٹھائے چل رہی ہے اپنے سر پر زیست

 چلی ہے جانبِ صحرا ہوئی ہے گھر سے بے گھر زیست

ذرا معلوم کیجے ہو گئی ہے کیا قلندر زیست

یہ سچ ہے بلبلہ ہے آپ کا اس کی نہیں وقعت

کرو محسوس تو خود میں ہے بے شک اک سمندر زیست

تعاقب میں ہوں تیرے آج تک، تو مل نہیں پائی

تمنا ہے مری عرصے سے دیکھوں تجھ کو چھو کر زیست

چھوڑ دو چند لمحوں کو تنہا مجھے اے مرے مشفق مہرباں دوستو

 اشکِ تاباں میں حُسن سحر کی جھلک، زخم دل صورتِ گلستاں دوستو

زندگی موتیوں کی جھمکتی لڑی، زندگی رنگِ گُل کا بیاں دوستو

مل گئے ہیں جو ہم اور تم راہ میں، آؤ آپس میں کچھ دیر دکھ بانٹ لیں

کس نے دیکھی ہے کل آنے والی سحر، تم کہاں جاؤ گے ہم کہاں دوستو

کوئے دلدار کی لالہ گوں سر زمیں، مانگتی ہے خلوصِ وفا کا یقین

اور تو کوئی سوغات ممکن نہیں،  نذر کرتے چلو نقد جاں دوستو

محمد کا نگر ہے اور میں ہوں

 عارفانہ کلام حمد نعت منقبت

محمدﷺ کا نگر ہے اور میں ہوں

درِ آقاﷺ پہ سر ہے اور میں ہوں

جبیں پر ہے غبارِ خاکِ طیبہ

نظاروں پر نظر ہے اور میں ہوں

تصورکے چمن زاروں میں دیکھا

مِرا نورِ نظر ہے، اور میں ہوں

تالیوں کی گونج زائل ہو چکی

 ایک نڈھال نظم

تالیوں کی گونج

زائل ہو چکی

ہال خالی ہو چکا

داد کے بکسے اُلٹ کر چل دئیے

لوگ میری چیختی نظموں کی

بولی دے چکے

جب تغافل کا سلسلہ ہی نہیں

 جب تغافل کا سلسلہ ہی نہیں

عشق کا پھر تو کچھ مزہ ہی نہیں

آنکھوں آنکھوں میں گفتگو تو ہوئی

کچھ زباں سے کہا گیا ہی نہیں

موسمِ گُل نے لی ہے انگڑائی

وحشتِ دل تجھے پتہ ہی نہیں

ہمارا غم نہ رہا غم خوشی خوشی نہ رہی

 ہمارا غم نہ رہا غم خوشی خوشی نہ رہی

وہ کیا گئے کہ محبت کی زندگی نہ رہی

الٹ سکے نہ کسی مہہ جبیں کے رخ سے نقاب

ہمارے ذوق نظر میں یہ بات بھی نہ رہی

میں ان سے آج سکون حیات مانگ نہ لوں

پھر اس روش پہ توجہ رہی رہی نہ رہی

دیکھ ناصح یہ اثر ہے ترے سمجھانے کا

 دیکھ ناصح یہ اثر ہے تِرے سمجھانے کا

جانبِ دشتِ جنوں رُخ ہُوا دیوانے کا

دل ازل ہی سے پرستار ہے میخانے کا

ساقیا! مے کا میں طالب ہوں نہ پیمانے کا

اپنی سرشار نگاہوں سے پِلا، اے ساقی

بھول کر نام نہ لوں پھر کبھی میخانے کا

کس درد کے احساس سے بوجھل ہوئیں شاخیں

 پھر تیز ہوا چلتے ہی بے کل ہوئیں شاخیں

کس درد کے احساس سے بوجھل ہوئیں شاخیں

کیا سوچ کے رقصاں ہیں سر شام کھلے سر

کس کاہش بے نام سے پاگل ہوئیں شاخیں

گرتے ہوئے پتوں کی تڑپتی ہوئی لاشیں

صد طنطنۂ زیست کا مقتل ہوئیں شاخیں

پہلا ثنا گوئے نبی رحمان ہے ایمان ہے

 عارفانہ کلام حمد نعت منقبت

پہلا ثنا گوئے نبیؐ رحمان ہے، ایمان ہے

سر چشمۂ نعتِ نبیؐ قرآن ہے، ایمان ہے

سرکارﷺ کو اللہ کا عرفان ہے، ایمان ہے

اس بات کا سو فیصدی ایقان ہے، ایمان ہے

وحئ الہٰی میں تردد کا گزر ممکن نہیں

سرکارؐ جو بھی آپ کا فرمان ہے، ایمان ہے

رہتا ہے دل میں درد بھی مہمان کی طرح

 رہتا ہے دل میں درد بھی مہمان کی طرح

آنکھوں سے اشک بہتے ہیں طوفان کی طرح

آندھی اڑا کے لے گئی مجھ کو ورق ورق

اور غم بہا کے لے گیا طوفان کی طرح

دیمک کی طرح گھیر لیا درد نے مجھے

مر کر بھی میں کھڑی ہوں سلیمان کی طرح

مرہم کا زہر ہم بھی گوارا نہ کر سکے

 آنسو ہمارے زخموں کا چارہ نہ کر سکے

مرہم کا زہر ہم بھی گوارا نہ کر سکے

بخشے ہیں زندگی نے ہمیں تلخ تجربات

ہم پھر بھی زندگی سے کنارا نہ کر سکے

مانگا تھا ہم نے بھیک میں بھولے سے ایک پھول

اہلِ چمن یہ بات گوارا نہ کر سکے

صبا نے کان میں آ کر کہا ملے ہی نہیں

 صبا نے کان میں آ کر کہا ملے ہی نہیں

حسین لوگ تِرے گاؤں میں رہے ہی نہیں

ہمیں کیا علم کہ کیا شے ہے آبلہ پائی

ہم اپنے کمرے سے باہر کبھی گئے ہی نہیں

ہمیں بچانے پہ راضی تھا اک جہان مگر

پھر ایک موڑ وہ آیا کہ ہم بچے ہی نہیں

لب ترستے ہیں تبسم کو اک زمانے سے

 لب ترستے ہیں تبسم کو اک زمانے سے

دردِ دل کم نہیں ہوتا ہے مسکرانے سے

امتحاں عشق میں ہم نے تو کئی بار دئیے

فرق پڑتا نہیں کچھ ان کے ستم ڈھانے سے

وحشتِ عشق میں دیوانے فنا ہوتے ہیں

یہ سبق ملتا ہے پروانوں کے جل جانے سے

کبھی سرور بے خودی کبھی سرور آگہی

 کبھی سرور بے خودی کبھی سرور آگہی

حقیقتوں کا واسطہ عجیب شے ہے زندگی

تِرا خیال دے گیا ہے آسرا کہیں کہیں

تِرا فراق حوصلے بڑھا گیا کبھی کبھی

اسی میں کچھ سکون ہے شعورِ غم کا ساتھ دیں

یہی خوشی کی بات ہے چلے چلیں خوشی خوشی

الٰہی مشکلیں آسان کر دے

 عارفانہ کلام حمد نعت منقبت

الٰہی مشکلیں آسان کر دے

مسلمانوں کو پھر ذی شان کر دے

جو دشمن ہیں محمد مصطفیٰﷺ کے

انہیں بھی صاحبِ ایمان کر دے

بسا دے ان کے دل میں بھی محبت

انہیں بھی عاشقِ قرآن کر دے

سرخ پتے میں لپٹی ہلکی گلابی گولی میری مسیحا

 مسیحا

لکھتے لکھتے

انگلیوں کی وہ نرم پوریں

ٹیڑھی میڑھی سی

اور سخت ہو گئی ہیں

پڑھتے پڑھتے

چمکتی آنکھوں کے خواب دُھندلا کے

پورے نو مہینے کا اجالا

 پورے نو مہینے کا اجالا

کون کہتا ہے

چاندنی چار دن کی ہوتی ہے؟

پورے نو مہینے کا اجالا

لڑکی کو عورت بنا دیتا ہے

مرد بننے کے لیے تو

ایک چاند گرہن ہی کافی ہے

ہر چیز فنا ہو جاتی ہے

 کُشتنی

ہر چیز فنا ہو جاتی ہے

ہر چیز فنا ہو جائے گی

تن کا سونا، من کی چاندی

سانسوں کی کندن، خوں کہ لحن

تیرا وہ دمکتا پیراہن

میری وہ سُلگتی شامِ خُتن

یہ ہے آج ہی رات کی داستاں

 زعفرانی کلام ہاتھ کی روانی

یہ ہے آج ہی رات کی داستاں

کہ تھے میہماں میرے اک مہرباں

دکھاؤں میں حضرت کے کھانے کا ڈھنگ

لکھوں ان کے لقمے اڑانے کا رنگ

پلیٹوں میں ہلچل مچاتا ہوا

وه چمچے سے چمچا لڑاتا ہوا

افیمی ظلم کو تقدیر کہہ کر سو رہا ہے

 افیمی سو رہا ہے

افیمی ظلم کو تقدیر کہہ کر سو رہا ہے

سو ہرن کو شیر کھا جائے

عقابوں کے جھپٹتے غول سہمے میمنے کو نوچتے جائیں

کوئی بکری کسی چیتے کو 

تھوڑی گھاس کے بدلے سبھی اعضا کھلا بیٹھے

ہزاروں مکھیوں کی سخت محنت سے بنا 

جہالت مٹ گئی ساری قرینے میں نظام آیا

 عارفانہ کلام حمد نعت منقبت

جہالت مٹ گئی ساری، قرینے میں نظام آیا

جہاں میں جب بصد عزت مرا خیرالانامؐ آیا

زمانے میں نبیؐ کی ہو گئی جلوہ گری جس دم

زمیں کو آسماں کا با ادب اس دم سلام آیا

صدائیں گونج اٹھیں ہر طرف ان کی ولادت پر

مبارک ہو مبارک وہ رسولوں کا امامﷺ آیا

موت کے بعد پھر رقص ہی رقص ہے

 رقص

کھولتے آب میں

رقص کرتے ہوئے بلبلے

قابلِ غور ہیں

کیا تپش ہے جو ان کو بناتی ہے اور

اتنا مجبور کرتی ہے کہ

ناچتے ناچتے

ہم نے پہلا جرم اپنی پیدائش کے دن کیا تھا

ہم نے پہلا جرم اپنی پیدائش کے دن کیا تھا

ہمارے سانس لینے سے پہلے

چیخ کر رونے پر پابندی لگا دی گئی تھی

چپ میں لپیٹ کر ہمیں ہماری ماؤں کے حوالے کر دیا گیا

اس سے پہلے انہیں

بے آواز گیت یاد کروائے گئے

اسی باعث زیادہ ہنس رہا ہوں

 اسی باعث زیادہ ہنس رہا ہوں

میں بالکل بے ارادہ ہنس رہا ہوں

سجے ہیں زخم سینے پر ہزاروں

مگر میں حسبِ وعدہ ہنس رہا ہوں

نہیں ہے مطمئن منزل پہ کوئی

میں ہو کر وقفِ جادہ ہنس رہا ہوں

دیکھے گا کوئی خاک یہ ملبہ وجود کا

 دیکھے گا کوئی خاک یہ ملبہ وجود کا

کس کو کھنڈر ملے گا مِری باش و بود کا

الجھا ہوا خدا بھی ہے دام دوام میں

ہے سلسلہ حدود سے باہر قیود کا

اک عمر کی بسی ہوئی خوشبو نکل گئی

اعلان کر رہا ہے تعفّن وجود کا

تو امر واقعہ یہ ہے یہ بیوہ ہو گئی تھی

 امر واقعہ

تو امر واقعہ یہ ہے

یہ بیوہ ہو گئی تھی

اور اس نے ناسمجھ بچوں کو یوں ہی بھیک سے پالا ہے پوسا ہے

جواں بیٹے ہیں اب اپنا کماتے ہیں

انہیں تو معاشرے میں زندہ رہنا ہے

نہیں کافی سلیقہ نعت میں بس خوش بیانی کا

 عارفانہ کلام حمد نعت منقبت 

نہیں کافی سلیقہ نعت میں، بس خوش بیانی کا

مرے آقاﷺ عطا ادراک ہو، لفظ و معانی کا

جھڑی ایسی لگی، آقاؐ کی رحمت جوش میں آئی

نصیبہ کھل گیا پل میں، مری آنکھوں کے پانی کا

وہ راحت پائی ہے اس نے درِ سرکارؐ پر آ کر

نہیں کوئی ارادہ دل کا اب نقلِ مکانی کا

بے خیالی میں نہ جانے کیا سے کیا لکھتی رہی

 بے خیالی میں نہ جانے کیا سے کیا لکھتی رہی

ایک پتھر کو محبت کا خدا لکھتی رہی

بارہا مظلوم غنچوں کو تڑپتا دیکھ کر

زرد پتوں پر لہو سے کربلا لکھتی رہی

کارواں لٹنے پہ اب خود سے بہت بیزار ہوں

جانے کیوں میں رہزنوں کو رہنما لکھتی رہی

کہ ہجرت کیا ہے

 کسے معلوم ہے اک دن

مجھے پھر ایک ان دیکھے جزیرے کی طرف چپ چاپ جانا ہے

جہاں صندل کے قد آور درختوں تلے

کچھ لوگ میرے منتظر ہوں گے

انہیں تشویش ہو گی مجھ سے پوچھیں گے

کہ ہجرت کیا ہے؟

فکر ہے یہ شب وصال ہمیں

 فکر ہے یہ شب وصال ہمیں

کوستے ہوں گے بد سگال ہمیں

آگے آگے جلو میں ہوں اغیار

بزم سے اس طرح نکال ہمیں

کس نے چھوڑا ہے ایسے مہوش کو

ناصحو! دو کوئی مثال ہمیں

اسے بھی محبت کا آزار ہے

 مسیحا سنا ہے کہ بیمار ہے

اسے بھی محبت کا آزار ہے

حقیقت کا جو بھی پرستار ہے

اسی کے لیے تختۂ دار ہے

عمل سے بھی کوئی سروکار ہے

فقط شیخ غازئ گفتار ہے

میں تم سے پیار کرتا ہوں

 محبت اور ضرورت

میں اپنے دل کی سب سچائیوں کے ساتھ

یہ اقرار کرتا ہوں

میں تم سے پیار کرتا ہوں

مگر جو کہ رہا ہوں میں

بہت ممکن ہے کہ پورے سچ کی آنچ

جائیں تو کہاں جائیں سرکار مدینے سے

 عارفانہ کلام حمد نعت منقبت

جائیں تو کہاں جائیں سرکار مدینے سے

چلتا ہے ہمارا تو گھر بار مدینے سے

صدقہ اسی در کا تو کھاتے ہیں سبھی عالم

ایک میں ہی نہیں آقا سرشار مدینے سے

یہ نعت کسی انساں کے بس کی نہیں ہوتی

آئیں نہ اگر دل میں افکار مدینے سے

سمندر میں بہا آؤں سب لمحے سبھی یادیں سبھی منظر

 سمندر میں بہا آؤں

وہ یادوں سے بھرا البم

وہ سارے کارڈز

پھولوں کے سبھی تحفے

وہ لمحے خواب کے جیسے

فضاؤں میں رچی خوشبو

خلاؤں کے سفر پر ہے

اے وطن میں نے کب چھوڑا تھا تجھ کو

 اے وطن

اے وطن

میرے وطن پیارے وطن

میں نے کب چھوڑا تھا تجھ کو

میں تجھے بھولا ہی کب تھا

دور تھا تجھ سے

مگر اس دل میں ہر دن موجزن تھی تیری یاد

میں ایک صندوق اٹھائے چل رہا ہوں

 بغیر جنازے کے دفنائی گئی محبت

میں ایک صندوق اٹھائے چل رہا ہوں

جو ماں کی آخری نشانی ہے

جس میں کچھ چیزیں ہیں

ایک رومال جو پہلی محبوبہ کا تحفہ ہے

ایک تصویر جو میری نہیں

ایک زنجیر جو قید خانے میں

عجیب ہے یہ زندگی کبھی ہے غم کبھی خوشی

 فلمی گیت عجیب ہے یہ زندگی 

عجیب ہے یہ زندگی کبھی ہے غم کبھی خوشی

ہر ایک شے ہے بے یقیں ہر ایک چیز عارضی

یہ کارواں رکے کہاں کہ منزلیں ہیں بے نشاں

چھپے ہوئے ہیں راستے یہاں وہاں دھواں دھواں

خطر ہیں کتنے راہ میں سفر ہے کتنا اجنبی

عجیب ہے یہ زندگی

وہ میرے سامنے تصویر بنے بیٹھے ہیں

 فلمی گیت

وہ میرے سامنے تصویر بنے بیٹھے ہیں

میرے ہر خواب کی تعبیر بنے بیٹھے ہیں

چاند ان آنکھوں کو دیکھے تو کنول بن جائے

رات ان ہونٹوں کو چھو لے تو غزل بن جائے

ان کی زلفوں کا حال مت پوچھو

مجھ سے میرا خیال مت پوچھو

خزاں کے مارے ہوئے جانب بہار چلے

 عارفانہ کلام حمد نعت منقبت

خزاں کے مارے ہوئے جانبِ بہار چلے

قرارِ پانے زمانے کے بے قرار چلے

وہیں پہ تھام لیا ان کو دستِ رحمت نے

نبی کے در کی طرف جب گنہگار چلے

اے تاجدارِ جہاں! اے حبیبِﷺ رب کریم

وہ بھیک دو کہ غریبوں کا کاروبار چلے

بہت سے قیمتی لمحے جو راہ شوق میں گزرے

 نا آشنا

بہت سے قیمتی لمحے

جو راہ شوق میں گُزرے

جو خوابوں کے جزیرے میں

ستاروں جیسے روشن تھے

نہیں معلوم وہ لمحے، حقیقت تھے

عجیب سا میں عجیب دنیا

 عجیب سا میں

عجیب دنیا

رواج کے ساتھ چل رہا ہوں

نہ منطبق مجھ میں یہ زمانہ

نہ میں زمانے کو ہمنوا ہوں

جمیل احسن

کرن کے رتھ پر سوار ہو کر

 آخری ساعت کے نام

کرن کے رتھ پر سوار ہو کر

ندی کی لہروں پہ چاند اپنی

تمام روداد لکھ چکا ہے

نئی اُڑانیں

طویل رستہ

بسیط سمتیں

یہ اپنے وصل کا پہلا گهر ہے

 قیام

آؤ رات کی بانہوں میں بانہیں ڈال کر کسی سمت چلتے ہیں 

آؤ کسی لمحے کی آنکهوں میں آنکهیں ڈال کر 

کچھ میٹهی باتیں کرتے ہیں 

ریت سے کچھ وعدے چُنتے ہیں 

خیالوں کی دهڑکنوں کو سُنتے ہیں 

آؤ بیٹھ جاؤ

جان لو یہ ریاست مریض ہے

 مرگ دھرنا

تفنگ کو قلم پہ فوقیت ملے تو جان لو یہ ریاست مریض ہے

ستمگروں کے راج میں ستم زدوں پہ احتجاج فرض ہے

یہ جانتے ہوئے کہ رونے والوں کو حق نہیں ملتا

چیخ لازم ہے بہرحال

اپنے بچوں کے قتل پر ماؤں کی مانگ کچھ نہیں ہوتی

پاک کس عیب سے وہ پیکر تنویر نہ تھا

 عارفانہ کلام حمد نعت منقبت

پاک کس عیب سے وہ پیکرِ تنویر نہ تھا

حسنِ بے پردہ پہ کب پردۂ تطہیر نہ تھا

سینۂ سنگ دلاں میں بھی کیا گھر جس نے

غمزۂ ابروئے رحمت تھا کوئی تیر نہ تھا

آپ اُس وقت بھی تھے قصرِ حقیقت کا جمال

جب کہ اک پایہ بھی سنسار کا تعمیر نہ تھا

مستقبل اک بچہ ہے حال کی گود تک آتے آتے

 مستقبل

مستقبل اک بچہ ہے

حال کی گود تک آتے آتے

رخساروں پر اس کے سبزے کی چادر چھا جاتی ہے

پھر کروٹ لیتی ہے خزاں کی زہر میں ڈوبی کالی کالی تیز نگاہ

رخ پہ طمانچے لگتے ہیں

درد کے صحرا میں اک لڑکا جو کل تک اک بچہ تھا

انہیں معلوم ہے سب کچھ

 پہلی دنیا کی اقوام

انہیں معلوم ہے کیسے کہاں پہ جنگ کے بادل اٹھانا ہیں

کہاں جھکڑ چلانا ہیں

کسے آگے بڑھانا ہے

کسے پیچھے ہٹانا ہے

زمیں کی گیند کو کیسے گھمانا ہے

مقابل کس کو لانا ہے

تمہیں میں بھولنا چاہوں گا تو مر جاؤں گا

 تمہیں جب دیکھتا ہوں تو

مری آنکھوں پہ رنگوں کی پھواریں پڑنے لگتی ہیں

تمہیں سنتا ہوں 

تو مجھ کو قدیمی مندروں سے گھنٹیوں

اور مسجدوں سے ورد کی آواز آتی ہے 

تمہارا نام لیتا ہوں 

ہماری شکلیں آگ سے دھلے آئینوں نے مسخ کر دیں

 آگ سے دُھلے آئینے

ہماری شکلیں آگ سے دُھلے آئینوں نے مسخ کر دیں

پھول کمہلانے کی تکلیف جلنے سے بہرحال کم ہے 

بستی بستی پناہ ڈھونڈتے رسول

اور درزوں میں چھپے دھوکے

آسمان کس قدر دل گرفتہ ہے 

کیا بارہ بجے کے بعد سو جانا چاہیے

 آدھی رات کو

کیا بارہ بجے کے بعد سو جانا چاہیے؟

رات کے احترام میں

رات چلتے چلتے چھت تک آ گئی ہے

ایک بلب تھک کے اونگھ رہا ہے

اسے نیند کا پتھر مار کر بجھا دو

اک لطف بیکراں ہے رکوع و سجود میں

 عارفانہ کلام حمد نعت منقبت

اک لطف بیکراں ہے رکوع و سجود میں

ہیں لذتیں کمال قیام و قعود میں

روحوں سے جسم تک ہے تعفّن مچا ہوا

کتنا بڑا زياں ہے محبت کے سود میں

محشور ہوں گے اپنے عمل کے سبب کئی

قوم شعیب و لوط میں، عاد و ثمود میں

چاند اپنی وسعتوں میں گم شدہ رہ جائے گا

 چاند اپنی وسعتوں میں گم شدہ رہ جائے گا

ہم نہ ہوں گے تو کہاں کوئی دیا رہ جائے گا

رفتہ رفتہ ذہن کے سب قمقمے بجھ جائیں گے

اور اک اندھے نگر کا راستہ رہ جائے گا

تتلیوں کے ساتھ ہی پاگل ہوا کھو جائے گی

پتیوں کی اوٹ میں کوئی چھپا رہ جائے گا

دست قاتل جب ہوا موزوں نگینے کے لیے

 دستِ قاتل جب ہوا موزوں نگینے کے لیے

دُھول بھی رکھی گئی پھر آبگینے کے لیے

کوچۂ دیوانگی سے جب سے نکلے اہلِ دل

عشق کی ذِلّت سنبھالی خوں پسینے کے لیے

کیا مجالِ تشنگی جو آئے اپنے روبرو

غم کا ساغر ساتھ رکھا ہم نے پینے کے لیے

بتوں کے شہر میں موجود تھا خدا کوئی

 مجھی سے پوچھ رہا تھا مِرا پتا کوئی

بتوں کے شہر میں موجود تھا خدا کوئی

خموشیوں کی چٹانوں کو توڑنے کے لیے

کسی کے پاس نہیں تیشۂ صدا کوئی

 درخت ہاتھ اٹھا کر سلام کرتے تھے

مِرے جنوں کا مبارک تھا مرحلہ کوئی

گزشتہ لفظوں کے معبدوں میں قدیم لہجے پڑے ہوئے ہیں

 گزشتہ لفظوں کے معبدوں میں قدیم لہجے پڑے ہوئے ہیں

ابھی زباں کے موہنجو داڑو میں کچھ صحیفے پڑے ہوئے ہیں

یہاں نشیب و فراز کیسا،۔ جو بھاگنا ہے تو بھاگنا ہے

ہماری قسمت ہمارے سائے ہمارے پیچھے پڑے ہوئے ہیں

خیال رستوں پہ چلتے چلتے جنازے گِرنے لگے زمیں پر

کسی نے بس اتنا کہہ دیا تھا زمیں پہ سِکّے پڑے ہوئے ہیں

جشن بپا ہے کٹیاؤں میں اونچے ایواں کانپ رہے ہیں

 جشن بپا ہے کٹیاؤں میں، اونچے ایواں کانپ رہے ہیں

مزدروں کے بگڑے تیور دیکھ کے سلطاں کانپ رہے ہیں

جاگے ہیں افلاس کے مارے، اُٹھے ہیں بے بس دکھیارے

سینوں میں طوفاں کا تلاطم، آنکھوں میں بجلی کے شرارے

چوک چوک پر گلی گلی میں سرخ پھریرے لہراتے ہیں

مظلوموں کے باغی لشکر سیل صفت اُمڈے آتے ہیں

آپ کا اسم گرامی اس قدر اچھا لگے

 عارفانہ کلام حمد نعت منقبت

آپﷺ کا اسمِ گرامی اِس قدر اچھا لگے

باغ میں سب سے حسیں جیسے شجر اچھا لگے

عرش کی جانب سفر ہو یا مدینے کی طرف

آپﷺ کا عزمِ سفر اور ہمسفر اچھا لگے

احترام اُن کا بجا اپنی جگہ لیکن مجھے

اپنے ماں اور باپ سے اپنا عمر اچھا لگے

یعنی بے گھر ہوا میں شہر میں اک گھر لے کر

 لوگ کیوں ڈھونڈ رہے ہیں مجھے پتھر لے کر

میں تو آیا نہیں کردار پیمبر لے کر

مجھ کو معلوم ہے معدوم ہوئی نقد وفا

پھر بھی بازار میں بیٹھا ہوں مقدر لے کر

روح بے تاب ہے چہروں کا تاثر پڑھ کر

یعنی بے گھر ہوا میں شہر میں اک گھر لے کر

چھوڑ لٹریچر کو اپنی ہسٹری کو بھول جا

 زعفرانی کلام

چھوڑ لٹریچر کو اپنی ہسٹری کو بھول جا

شیخ و مسجد سے تعلق ترک کر اسکول جا

چار دن کی زندگی ہے کوفت سے کیا فائدہ

کھا ڈبل روٹی، کلرکی کر، خوشی سے پھول جا

یہ موجودہ طریقے راہی ملکِ عدم ہوں گے

نئی تہذیب ہو گی اور نئے ساماں بہم ہوں گے

میکدۂ نگاہ سے جام پلا گیا کوئی

 زعفرانی کلام

مے کدۂ نگاہ سے جام پلا گیا کوئی

آنکھوں میں آنکھیں ڈال کے الو بنا گیا کوئی

جذبۂ عشق کی کہاں قدر جہاں میں آج کل

سنتے ہی صرف مدعا تھانے چلا گیا کوئی

کوئے صنم میں گم تھا میں اپنے تصورات میں

ہارن بجا کے کار کا مجھ کو ڈرا گیا کوئی

لوگ ہم سے روز کہتے ہیں یہ عادت چھوڑئیے

 زعفرانی کلام

لوگ ہم سے روز کہتے ہیں یہ عادت چھوڑئیے

یہ تجارت ہے خلافِ آدمیت، چھوڑئیے

اس سے بد تر لت نہیں ہے کوئی یہ لت چھوڑئیے

روز اخباروں میں چھپتا ہے کہ رشوت چھوڑئیے

کس کو سمجھائیں، اسے کھو دیں تو پھر پائیں گے کیا

ہم اگر رشوت نہیں لیں گے تو پھر کھائیں گے کیا

گلے بازی کے لیے ملک میں مشہور ہیں ہم

 زعفرانی کلام

گلے بازی کے لیے ملک میں مشہور ہیں ہم

شعر کہنے کا سوال آئے تو مجبور ہیں ہم

اپنے اشعار سمجھنے سے بھی معذور ہیں ہم

فن سے غالب کے بہت دور بہت دور ہیں ہم

اپنی شہرت کی الگ راہ نکالی ہم نے

کسی دیواں سے غزل کوئی چرا لی ہم نے

عاصی ہیں گہنگار ہیں شرمائے ہوئے ہیں

 عارفانہ کلام حمد نعت منقبت

عاصی ہیں گہنگار ہیں شرمائے ہوئے ہیں

دامن تِرے دربار میں پھیلائے ہوئے ہیں

محبوب کے صدقے میں ہمیں بخش دے مولیٰ

ہم آس یہی در پہ لگائے ہوئے ہیں

تُو بخش دے ہم تیرے ہی بندے ہیں الٰہی

نادم ہیں، سیہ کاری پہ شرمائے ہوئے ہیں

حادثہ سانحہ المیہ یہ ہوا

 آزاد غلام

حادثہ، سانحہ، المیہ یہ ہوا

وہ خریدے گئے اور وہ بک بھی گئے

بس میری قوم سے اک خامی نہیں جاتی

آزادی کے قفس سے غلامی نہیں جاتی

شاہانہ سلطنت اجازت آہ کی جن سے چھین لیتی ہے

رعایا جام غلامی کے مگر بھر بھر کے پیتی ہے

اداس رہنا بھی اک صفت ہے

 اداس رہنا بھی اک صفت ہے

اگر تم اس کو سمجھ سکو گے

تو پھر اداسی کنیز بن کر

تمہارے پہلو میں بیٹھ کر کے

تمہارے ہاتھوں کو تھام لے گی

تمہیں تسلی سے دیکھ کر کے

وہ جدھر سے گزر کے جاتے ہیں

 وہ جدھر سے گزر کے جاتے ہیں

بن کے خوشبو بکھر کے جاتے ہیں

چاند بھی سر پٹکنے لگتا ہے

جب وہ سج کے سنور کے جاتے ہیں

میں نشے میں بہکنے لگتا ہوں

پیالے آنکھوں سے بھر کے جاتے ہیں

ہجر کو مختصر تو دیکھا ہے

 ہجر کو مختصر تو دیکھا ہے

شب میں رنگِ سحر تو دیکھا ہے

یہ طلسمِ نظر تو دیکھا ہے

بادلوں میں قمر تو دیکھا ہے

ہائے تیرِ نطر کا کیا کہنا

اپنا زخمی جگر تو دیکھا ہے

آپ کو سکے ملے چاندی ملی سونا ملا

 جنتا کی فریاد

آپ کو سکے ملے چاندی ملی سونا ملا

دولت آئی ہاتھ سامانِ طرب افزا ملا

گھر سے دروازے تک آنا بھی نزاکت پر ہے بار

جب نہیں موٹر رہا، اڑنے کو طیارا ملا

چپہ چپہ ملک کا ہے آپ کی املاک میں

دشت و کوہستاں ملے، جنگل ملا، دریا ملا

کہیں پہ صدق کا چہرہ کہیں صفا کا رنگ

 عارفانہ کلام حمد نعت منقبت

کہیں پہ صدق کا چہرہ کہیں صفا کا رنگ

رواں ہے سورۂ والذکر میں ثنا کا رنگ

نہ ابتداء کی علامت نہ انتہا کا رنگ

خدا کے رنگوں میں پنہاں رہا انا کا رنگ

عجیب شہر ہے سر سبز ہے ہوا کا رنگ

گلی گلی سے عیاں حُسنِ نقشِ پا کا رنگ

مرے اطراف یہ کیسی صدائیں رقص کرتی ہیں

 مِرے اطراف یہ کیسی صدائیں رقص کرتی ہیں

کہ یوں لگتا ہے مجھ میں اپسرائیں رقص کرتی ہیں 

اسی امید پر شاید کبھی خوشبو کوئی اترے

مِری یادوں کے آنگن میں ہوائیں رقص کرتی ہیں 

میسر ہی نہیں آتی مجھے اک پل بھی تنہائی

کہ مجھ میں خواہشوں کی خادمائیں رقص کرتی ہیں 

پھر وہی وقت ہو ایسا بھی تو ہو سکتا ہے

 پھر وہی وقت ہو ایسا بھی تو ہو سکتا ہے

تاج ہو تخت ہو ایسا بھی تو ہو سکتا ہے

تِیرہ بختی کی کوئی حد بھی تو سکتی ہے

پھر وہ خوش بخت ہو ایسا بھی تو ہو سکتا ہے

فاصلہ کم ہی سہی سرحدِ جاں تک لیکن

یہ سفر سخت ہو ایسا بھی تو سکتا ہے

تو پرندوں سے لدی شاخ بنا لے مجھ کو

 تُو پرندوں سے لدی شاخ بنا لے مجھ کو

زندگی اپنی طرف اور جھکا لے مجھ کو

مانتا ہوں کے مجھے عشق نہیں ہے تجھ سے

لیکن اس وہم سے اب کون نکالے مجھ کو

ایک معصوم سی تتلی کو مسلنے والے

تُو تو دیتا تھا حدیثوں کے حوالے مجھ کو

نہ دہر میں نہ حرم میں جبیں جھکی ہو گی

 نہ دہر میں نہ حرم میں جبیں جھکی ہو گی

تمہارے در پہ ادا میری بندگی ہو گی

نگاہ یار مِری سمت پھر اٹھی ہو گی

سنبھل سکوں گا نہ میں ایسی یہ بیخودی ہو گی

نگاہ پھیر کے جا تو رہا ہے تُو لیکن

تِرے بغیر بسر کیسے زندگی ہو گی

ہے کوچہ الفت میں وحشت کی فراوانی

 ہے کوچۂ الفت میں وحشت کی فراوانی

جب قیس کو ہوش آیا لیلٰی ہوئی دیوانی

پیش آئی وہی آخر جو کچھ کہ تھی پیش آئی

قسمت میں ازل ہی سے لکھی تھی پریشانی

دل اس کو دیا میں نے یہ کس کو دیا میں نے

غفلت سی مِری غفلت، نادانی سی نادانی

آس دل میں ہے مرے جلوۂ خضرائی کی

 عارفانہ کلام حمد نعت منقبت

تضمین بر کلام رضا

آس دل میں ہے مِرے جلوۂ خضرائی کی

آنکھ سے حسرتیں گِرتی ہیں تمنّائی کی

میں نے غم، غم نے مِرے ساتھ شناسائی کی

’’ قافلے نے سُوئے طیبہ کمر آرائی کی‘‘

’’مشکل آسان الٰہی مِری تنہائی کی‘‘

ہے غم سے دل فگار غزل کس طرح کہوں

 ہے غم سے دل فگار غزل کس طرح کہوں

آنکھیں ہیں اشکبار، غزل کس طرح کہوں

گھیرے ہوئے ہیں موت کی پرچھائیاں مجھے

ہوں زندگی پہ بارِ، غزل کس طرح کہوں

آ، شاہدِ بہارِ وفا، جانِ زندگی

دامن ہے تار تار، غزل کس طرح کہوں

دعائیں مانگنے والوں کا انتشار ہے کیا

 دعائیں مانگنے والوں کا انتشار ہے کیا

یہ ماہ و سال کا اڑتا ہوا غبار ہے کیا

کوئی سبب ہے کہ یا رب سکون ہے اتنا

مجھے خبر ہی نہیں ہے کہ انتظار ہے کیا

اگر ہو دور تو قائم ہے دید کا رشتہ

اگر قریب ہو منظر تو اختیار ہے کیا

کوئی خوشی نہ کوئی غم ہے کیا کیا جائے

 کوئی خوشی نہ کوئی غم ہے کیا کیا جائے

بڑا عجیب سا عالم ہے کیا کیا جائے

ذرا سکوں ہو میسر تو کوئی بات بنے

یہاں تو گردش پیہم ہے کیا کیا جائے

کہیں سے چیخ بھی اٹھی تو رہ گئی دب کر

کہ گھنگھرؤں کی چھما چھم ہے کیا کیا جائے

خراب حال وفا کو رلائے جاتے ہیں

 خراب حال وفا کو رلائے جاتے ہیں

نظر چرائے ہوئے مسکرائے جاتے ہیں

وفا شعار سہی غیر مجھ سے کیوں کہیے

یہ روز کس لیے قصے سنائے جاتے ہیں

وفا کی قدر تری انجمن میں کیوں ہوتی

فریب غیر کے نقشے جمائے جاتے ہیں

جاگتے جاگتے عمر بسر ہو ایسا بھی ہو سکتا ہے

 جاگتے جاگتے عمر بسر ہو ایسا بھی ہو سکتا ہے

پل میں شب فرقت کی سحر ہو ایسا بھی ہو سکتا ہے

جن لوگوں نے جان کے میرا گھر کچھ پتھر پھینکیں ہیں

وہ ان کا اپنا ہی گھر ہو ایسا بھی ہو سکتا ہے

آج تو بس پتھر ہی پتھر اپنے سرہانے ہیں لیکن

کل ان کی آغوش میں سر ہو ایسا بھی ہو سکتا ہے

بے سبب لرزے میں کب شہر مدینہ آیا

عارفانہ کلام حمد نعت منقبت

بے سبب لرزے میں کب شہرِ مدینہ آیا

زخم ایسا تھا کہ برچھی کو پسینہ آیا

کیا پشیمانی سہی پانی پہ قبضہ کر کے

ہاتھ میں تیرے نہ ساحل نہ سفینہ آیا

کیوں نہیں سینے پہ وہ سرخ نشاں کھینچتا ہے

جس کی قسمت میں محرم کا مہینہ آیا

دل بیتاب کا آنا ستم ہے

 دل بے تاب کا آنا ستم ہے

تڑپ کر پھر مچل جانا ستم ہے

مجھے سمجھا رہی ہے غیرت دل

وفا سے تیرا پھر جانا ستم ہے

وہ رہ کر چٹکیاں لیتے ہیں کیا کیا

ستم ہے دل میں بھی آنا ستم ہے

ہم اپنی محبت کا تماشا نہیں کرتے

 ہم اپنی محبت کا تماشا نہیں کرتے

کرتے ہیں اگر کچھ تو دکھاوا نہیں کرتے

یہ سچ ہے کہ دنیا کی روش ٹھیک نہیں ہے

کچھ ہم بھی تو دنیا کو گوارا نہیں کرتے

اک بار تو مہمان بنیں گھر پہ ہمارے

یہ ان سے گزارش ہے تقاضا نہیں کرتے

میں ہوں فلک کا مسافر سفر میں سورج ہے

 میں ہوں فلک کا مسافر سفر میں سورج ہے

قدم قدم پہ مری رہگزر میں سورج ہے

تمام چہرے جہاں میں اسی کے مظہر ہیں

گزرتے وقت کی شام ع سحر میں سورج ہے

ہے فکر و فہم میں اک آسماں اجالوں کا

حصارِ شب میں ہوں لیکن نظر میں سورج ہے

کس کو سنائیں اور کہیں کیا کسی سے ہم

 کس کو سنائیں اور کہیں کیا کسی سے ہم

سب کچھ لٹا کے بیٹھ گئے ہیں ابھی سے ہم

اپنی ہی کچھ خبر ہے نہ دنیا سے واسطہ

رہتے ہیں سب کے ساتھ مگر اجنبی سے ہم

یوں تو چراغ ہم نے بہت سے جلائے تھے

محروم پھر بھی رہتے رہے روشنی سے ہم

تبسم لب پہ آنکھوں میں محبت کی کہانی ہے

 تبسم لب پہ آنکھوں میں محبت کی کہانی ہے

تمہاری ہر ادا میں اک نشاط کامرانی ہے

بہت ہی مختصر اپنی حدیث زندگانی ہے

ترے عارض کے جلوے ہیں مرا خواب جوانی ہے

اسی ساغر میں ساقی دیکھ آب زندگانی ہے

کہ موج مے میں پنہاں راز عمر جاودانی ہے

یہ پلتا جا رہا ہے اعتماد سینے میں

 عارفانہ کلام حمد نعت منقبت

یہ پلتا جا رہا ہے اعتماد سینے میں

پہنچ ہی جاؤں گا میں خیر سے مدینے میں

کبھی تو سانس معطر مدینے میں ہو گی

کبھی تو جان پڑے گی ہمارے جینے میں

وہ دیں گے گنبد خضرا کا عکس آنکھوں کو

وہ بدلیں گے مرے کنکر کبھی نگینے میں

بے حجابانہ کبھی دعوت دیدار بھی دے

 بے حجابانہ کبھی دعوت دیدار بھی دے

لذت عشق بھی دے عشق کا آزار بھی دے

مسند علم و ادب پر متمکن فرما

نغمہ و شعر بھی دے خامۂ گلکار بھی دے

طاق ہر بزم میں رکھ شمع بنا کر مجھ کو

اور پروانہ صفت لذت آزار بھی دے

اسی کو حق ہے تمنائے لطف یار کرے

 اسی کو حق ہے تمنائے لطف یار کرے

جو آپ اپنی محبت پہ اعتبار کرے

بہت بجا یہ ترا مشورہ ہے اے واعظ

بھری بہار میں پرہیز بادہ خوار کرے

فسردگی سے بدل دے شگفتگی دل کی

جو چاہے ایک اشارے میں چشمِ یار کرے

ملے خوشی بھی جو کوئی تو مستعار نہ لوں

 جو مجھ پہ قرض ہے واجب اسے اتار نہ لوں

ملے خوشی بھی جو کوئی تو مستعار نہ لوں

یہ مجھ سے ہو نہیں سکتا کڑی مسافت میں

ہو سر میں شوق مگر خوفِ ریگزار نہ لوں

غنیمِ شہر کی سازش ہے مُنکشف مجھ پر

مصالحت کا اب احسان بار بار نہ لوں

عشق میں ڈوبا تو پھر میں نہ دوبارہ نکلا

 عشق میں ڈوبا تو پھر میں نہ دوبارہ نکلا

یہ وہ دریا تھا کہ جس کا نہ کنارہ نکلا

اک فقط تجھ سے ہی امید فراموشی تھی

تجھ سے اے دل نہ مگر کام ہمارا نکلا

جان و دل پہ مرے بن آئی ہے اس الفت میں

عشق کے سودے میں کیوں اتنا خسارہ نکلا

خیال پرسش فردا سے گھبرانا نہیں آتا

 خیال پرسش فردا سے گھبرانا نہیں آتا

گنہ کرتا ہوں لیکن مجھ کو پچھتانا نہیں آتا

یقین دعویٔ الفت نہیں مانا نہیں آتا

مگر یہ بھی تو ہے جھوٹوں کو جھٹلانا نہیں آتا

طبیعت ہے غیور ایسی کہ تشنہ کام رہتا ہوں

لگی لپٹی کسی کی سن کے پی جانا نہیں آتا

قلب مضطر کو ملے چین اے شاہ کونین

 عارفانہ کلام حمد نعت منقبت

قلبِ مضطر کو ملے چین اے شاہِ کونین

ہو کرم صدقۂ سبطین اے شاہِ کونینﷺ

میرا ہر دن بھی گزرتا ہے تری یادوں میں

ہجر میں روتی ہے ہر رین اے شاہِ کونین

مانگتے رہتے ہیں نظارہ طیبہ ہر دم

میرے یہ ترسے ہوئے نین اے شاہِ کونین

جنت آباد کو ویران کرتے جائیں گے

 جنت آباد کو ویران کرتے جائیں گے

گلستاں کو پاسباں شمشان کرتے جائیں گے

خانۂ جنت میں آدم زاد کا مسکن نہ ہو

اس غرض سے خود کو وہ شیطان کرتے جائیں گے

تم لگا کر آگ گلشن کو بھلے کر دو تباہ

ہم تو آتشدان کو گلدان کرتے جائیں گے

کوئی استخارہ اشارہ نہیں ہے

 کوئی استخارہ اشارہ نہیں ہے

مِرے زخم کا کوئی چارہ نہیں ہے

تمہارے مطابق نہیں چل سکے گا

یہ دل ہے ہمارا تمہارا نہیں ہے

یوں دیکھیں تو میرا سبھی کچھ لٹا ہے

مجھے اک طرح سے خسارا نہیں ہے

طور پر کہیے تو کیا آپ نے موسیٰ دیکھا

 طور پر کہیے تو کیا آپ نے موسیٰ دیکھا

حسن کو پردے میں دیکھا کہ بے پردہ دیکھا

زیرِ خنجر بھی زباں پر ہے مِری نام تِرا

دیکھا اک دوست کا اے دوست! کلیجہ دیکھا

دکھ میں نیند آئی مجھے بھی تو خضرا کی قسم

خواب میں میں نے سدا ایک ہی مکھڑا دیکھا

یہ دوڑ دھوپ بہ ہر صبح و شام کس کے لیے

 یہ دوڑ دھوپ بہ ہر صبح و شام کس کے لیے

بس ایک نام کی خاطر یہ نام کس کے لیے

مِرا وجود بصد اہتمام کس کے لیے

تمام عمر جلا صبح و شام کس کے لیے

یہاں تو کوئی نہیں اونگھتے دیوں کے سوا

بھرا ہے تم نے محبت کا جام کس کے لیے

بام و در یاد نہیں راہگزر یاد نہیں

 بام و در یاد نہیں راہگزر یاد نہیں

ایسے اجڑے ہیں کہ رودادِ سفر یاد نہیں

کس نے دیکھا تھا تباہی کا وہ منظر کیا تھا

جلتی شاخوں پہ پرندوں کی نظر یاد نہیں

ہم تمنا کے طلسمات میں الجھے ہوئے لوگ

ایسے بھٹکے ہیں ہمیں اپنا ہی گھر یاد نہیں

تمام حمد بہ خاک اور فلک فلک اس کی

 عارفانہ کلام حمد نعت منقبت

بہار لطف نظارے جھلک، جھلک اس کی

جہانِ رنگ میں ساری دھنک، دھنک اس کی

کنول، گلاب، چنبیلی یہ رات کی رانی

چمن کے سارے گلوں کی مہک، مہک اس کی

یہ آفتاب، قمر اور برق برق سحاب

یہ جھلملاتے ستارے چمک، دمک اس کی

خاموشی شور کرتی ہے

 خاموشی شور کرتی ہے

کبھی بیلے کی ان بیلوں کو چھوؤ تو

جو ان دیکھی مسافت کے جزیروں پر

تمہارے نام کی دنیاؤں کو آباد کرتی ہیں

سخن ایجاد کرتی ہیں

سرِ شب رقص کرتی جھلملاتی چاندنی

اور آنکھ کی یہ پُتلیاں دیکھو

لطف غیروں پہ عام ہوتے ہیں

 لطف غیروں پہ عام ہوتے ہیں

ظلم ہم پر تمام ہوتے ہیں

یار ہونے کو عام ہوتے ہیں

نفس کے سب غلام ہوتے ہیں

زندگی سے جو پیار کرتے ہیں

موت سے ہمکلام ہوتے ہیں

یہ مصلحت اندیش کرم یاد رہے گا

 یہ مصلحت اندیش کرم یاد رہے گا

ساقی تری نظروں کا بھرم یاد رہے گا

غم یاد رہے گا نہ الم یاد رہے گا

اک حاصل غم ربط بہم یاد رہے گا

بتخانے کی عظمت کا پتہ جس سے ملا ہے

وہ حادثۂ دیر و حرم یاد رہے گا

گماں مجھ کو تھا انساں ہو گیا ہوں

 گماں مجھ کو تھا انساں ہو گیا ہوں

خبر کیا تھی میں شیطاں ہو گیا ہوں

ہوا کچھ اس طرح کی چل رہی ہے

بہت اندر سے ویراں ہو گیا ہوں

اچانک دوست ہندو ہو گئے ہیں

اچانک میں مسلماں ہو گیا ہوں

جس کو سمجھ رہے تھے مرے یار وہ نہیں

 جس کو سمجھ رہے تھے مِرے یار، وہ نہیں

ہے اور کوئی راہ کی دیوار، وہ نہیں

ہے آنکھ جس کی طالبِ دیدار، وہ نہیں

اچھا تو ہے مگر مجھے درکار وہ نہیں

یہ دل ہوا ہے جس کا گرفتار، وہ نہیں

سب سے حسیں وہی سہی دلدار وہ نہیں