کبھی عشق سے کبھی پیار سے
کبھی موسموں کی بہار سے
شبِ ہجر روشنی ہو گئی
مِرے آنسوؤں کی قطار سے
نہ بہل سکی نہ نکل سکی
تِرے دل کے ایک بھی تار سے
میں نکل کے اب کہاں جاؤں گی
تِری چاہتوں کے حصار سے
یہ جو چشمِ ماہم اُبل پڑی
تِرے خواب ہی کے خمار سے
ماہم شاہ
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment