تصویر بناتا ہوں تصویر نہیں بنتی

تصویر بناتا ہوں، تصویر نہیں بنتی

فلمی گیت (طلعت محمود)

تصویر بناتا ہوں، تصویر نہیں بنتی

اک خواب سا دیکھا ہے، تعبیر نہیں بنتی

تصویر بناتا ہوں، تصویر نہیں بنتی

 .....تصویر نہیں بنتی

بے درد محبت کا اتنا سا ہے افسانہ

نظروں سے ملیں نظریں، دل ہو گیا دیوانہ

اب دل کے بہلنے کی، تدبیر نہیں بنتی

 .....تصویر نہیں بنتی

دم بھر کے لیے میری دنیا میں چلے آؤ

ترسی ہوئی آنکھوں کو پھر شکل دکھا جاؤ

مجھ سے تو مِری بگڑی تقدیر نہیں بنتی

 .....تصویر نہیں بنتی

خمار بارہ بنکوی