تیغ و شمشیر اٹھا بسم اللہ
میں ہوں راضی بہ رضا بسم اللہ
وادئ شوق کے باشندوں کو
حکمِ یزدان سُنا، بسم اللہ
شامِ غُربت میں طنابِ خیمہ
فوجِ و لشکر میں جلا بسم اللہ
عہدِ وارفتگی کا نوحہ پڑھ
مانگ بخشش کی دعا بسم اللہ
لو چراغوں کی پڑی ہے مدھم
اے شبِ کرب و بلا! بسم اللہ
اوس چُومے کے بدن گل تیرا
کھول تُو بندِ قبا، بسم اللہ
برق پارے سے نکل آیا ہے
اک بدن شعلہ نما بسم اللہ
گرمئ وحشتِ نظّارہ کے
پاؤں پڑتی ہے ہوا بسم اللہ
راشف عزمی
No comments:
Post a Comment