تنہائی سے یکتائی تک
شاید آسمانوں سے اُتری ہو
سورج کی پُھوٹتی کِرنوں کے سنگ
کیونکہ میں نے اسے دیکھا ہے
اپنے باغیچے کی گیلی گھاس پہ پھیلتے ہوئے
شاید گلی سے دُھول کی مانند
وہ اُڑ کر آئی ہو
کیونکہ میں نے اسے دیکھا ہے
گاڑی کے شیشے پہ جمتے ہوئے
شاید وہ میرے گھر چُپکے سے آئی ہو
میری بلی کے نرم پنجوں سے چپک کر
کیونکہ میں نے اسے پایا ہے
میرے بستر کے پاس
مدھم سانس لیتے ہوئے
شاید وہ دنیا میں آئی ہو
میری جُڑواں بن کر
کیونکہ جو میری گلی سے گُزرتا ہے
وہ ہمیں دیکھ سکتا ہے
بانہوں میں بانہیں ڈالے
چہل قدمی کرتے
سروش لطیف
اردو ترجمہ: نودان ناصر
No comments:
Post a Comment