اثر کے پیچھے دل حزیں نے نشان چھوڑا نہ ہر کہیں کا

 اثر کے پیچھے دلِ حزیں نے نشان چھوڑا نہ ہر کہیں کا

گئے ہیں نالے جو سوئے گردوں تو اشک نے رخ کیا زمیں کا

بھلی تھی تقدیر یا بری تھی یہ راز کس طرح سے عیاں ہو 

بتوں کو سجدے کئے ہیں اتنے کہ مٹ گیا سب لکھا جبیں کا

وہی لڑکپن کی شوخیاں ہیں وہ اگلی ہی سی شرارتیں ہیں 

سیانے ہوں گے تو ہاں بھی ہو گی ابھی تو سِن ہے نہیں نہیں کا

یہ نظم آئیں، یہ طرز بندش، سخنوری ہی فسوں گری ہے 

کہ ریختہ میں بھی تیرے شبلیؔ مزا ہے طرزِ علی حزیں کا

شبلی نعمانی