درد کی جاگیر پر کیا شعر کہنا چاہیے
ہم کو طرزِِ میر پر کیا شعر کہنا چاہیے
درد مندی کےتقاضوں نے کِیا ہے پھر سوال
شعر کی تاثیر پر کیا شعر کہنا چاہیے
نغمۂ دار و رسن جب تک کوئی گاتا نہیں
حلقۂ زنجیر پر کیا شعر کہنا چاہیے
آج کے حالات کو مدِ نظر رکھتے ہوئے
وادئ کشمیر پر کیا شعر کہنا چاہیے
جو بشکلِ یادِ جاناں ہو گئے پیوستِ دل
ایسے ایسے تیر پر کیا شعر کہنا چاہیے
یہ کسی رنج و الم کے ترجماں سے پوچھیۓ
غم زدہ شبیرؑ پر کیا شعر کہنا چاہیے
مصداق اعظمی
No comments:
Post a Comment