جب تعلق ہی بے یقیں ٹھہرے
کیسے دل کا کوئی مکیں ٹھہرے
کب تلک میں رہوں سرابوں میں
میرے پاؤں تلے زمیں ٹھہرے
کتنے مہ تاب ساتھ ہیں میرے
وہ ستارہ ہی کیوں حسیں ٹھہرے
ساری دنیا اس کی دیوانی
وہ جہاں جائے دلنشیں ٹھہرے
جو تِری یاد میں کہے جاناں
شعر وہ ہی مِرے نگیں ٹھہرے
اک مسافت کے بعد جانا ہے
ہم جہاں سے چلے وہیں ٹھہرے
تھک چکی ہے غزل سخن گوئی
ہو رسا ان کو تو کہیں ٹھہرے
رقیہ غزل
No comments:
Post a Comment