عارفانہ کلام نعتیہ کلام
ہر سمت ہے بہار محمدﷺ کے نام سے
ہے زیست پر وقار محمدﷺ کے نام سے
ان پر درودِ پاک بھلا کیوں نہ میں پڑھوں
ملتا ہے جو قرار محمدﷺ کے نام سے
دنیائے رنگا رنگ سے پھر اس کو کیا غرض
ہوتا ہے جس کو پیار محمدﷺ کے نام سے
حق کی عبودیت کا دیا جس گھڑی پیام
روشن ہوا دیار محمدﷺ کے نام سے
روزِ جزا میں ہوں گے پریشان جب سبھی
بیڑہ لگے گا پار محمدﷺ کے نام سے
پُر نور چہرہ لگتا ہے ذکرِ حبیبﷺ سے
آ جاتا ہے نکھار محمدﷺ کے نام سے
منہ کو چھپائے پھرتی ہےاب تیرگی عظیم
دنیا ہے نور بار محمدﷺ کے نام سے
عظیم انصاری
No comments:
Post a Comment