جو وحدت کی تجلی جذب کرتی ہے زباں وہ ہے

 عارفانہ کلام حمد نعت منقبت در مدحِ فاطمۃالزہراؑ

جو وحدت کی تجلی جذب کرتی ہے زباں وہ ہے

جہاں عصمت کے جملے ہیں ہماری داستاں وہ ہے

ہے کمتر عرش جس سے مرتبے میں یہ مکاں وہ ہے

ستارے ٹوٹ کر آئے جہاں یہ آستاں وہ ہے

جو قائل تیری عظمت کا ہے وہ قلبِ پیمبرﷺ ہے

جو تِری مدح کرتی ہے پیمبرﷺ کی زباں وہ ہے

تجلی خود بتا دیتی ہے نورِ خانۂ زہراؑ

نگاہیں اٹھ کے کہتی ہیں ستارہ ضوفشاں وہ ہے

یہ عظمت یہ بلندی یہ بزرگی فاطمہؑ زہراؑ

جہاں مریمؑ بھی آتی ہیں تمہارا آستاں وہ ہے

ملک کی آنکھوں کا سُرمہ جنوں کے قلب کی ٹھنڈک

شفا دیتی ہے ماتھر یہ گردِ کارواں وہ ہے

ماتھر لکھنوی

وشوناتھ پرشاد