یہ مانا آدمی بے شک ہے مجبور مشیت بھی

مختارِ محبت

یہ مانا آدمی بے شک ہے مجبورِ مشیّت بھی

مگر تم ساتھ بینائی کے کھو بیٹھے بصیرت بھی

تعجب ہے ہوئے جاتے ہو تم مایوس کیوں آخر؟

بھُلا دی تم نے اپنے دل سے کیا میری محبت بھی

محبت امتیازِ کور و دیدہ ور سے بالا ہے

سمجھتے ہو مجھے تم آہ، کیا ننگِ محبت بھی

رہوں گی میں شریکِ حال پیارے رنج و راحت میں

مصیبت آ پڑے تو میں اٹھاؤں گی مصیبت بھی

تمہاری شکل میرے واسطے جیسی ہے اچھی ہے

تم اندھے ہو تو کیا غم ہے محبت خود بھی اندھی ہے

وقار انبالوی

ناظم علی