تیری الفت میں صنم دل نے بہت درد سہے

فلمی گیت

تیری الفت میں صنم، دل نے بہت درد سہے 

غم ہمیں لوٹ گیا، ہائے دل ٹوٹ گیا

پھر بھی آنسو نہ بہے اور ہم چپ ہی رہے

ہم نے ملتے ہی نظر، دل دیا نذرانہ تجھے 

پیار سے پیار بھرا، کہہ دیا افسانہ تجھے 

تجھ سے پایا یہ صلہ، درد دنیا کا ملا 

غم زمانے کے سہے اور ہم چپ ہی رہے

تیری الفت میں صنم، دل نے بہت درد سہے

آگ سینے میں لگی ایسی کہ نکلا نہ دھواں 

کس طرح جل گیا دل، دل ہے نہ اب دل کا نشاں 

اس قدر ضبط کیا، ہم نے ہر اشک پیا 

دل میں ارمان رہے اور ہم چپ ہی رہے

تیری الفت میں صنم، دل نے بہت درد سہے

فصلِ گل آ بھی چکی، آس کے غنچے نہ کِھلے 

فاصلے بڑھتے گئے، مل کے بھی دو دل نہ ملے 

بن کے ہر نقش مٹا، قافلہ دل کا لٹا 

اشک تھم تھم کے بہے اور ہم چپ ہی رہے

تیری الفت میں صنم، دل نے بہت درد سہے

تیری الفت میں صنم، دل نے بہت درد سہے 

غم ہمیں لوٹ گیا، ہائے دل ٹوٹ گیا

پھر بھی آنسو نہ بہے، اور ہم چپ ہی رہے

طفیل ہوشیار پوری