واعظ مسجد سے اب جاتے ہیں میخانے کو ہم
پھینک کر ظرفِ وضو لیتے ہیں پیمانے کو ہم
کیا مگس بیٹھے بھلا اس شعلہ رو کے جسم پر
اپنے داغوں سے جلا دیتے ہیں پروانے کو ہم
کون کرتا ہے بتوں کے آگے سجدہ زاہدا
جب غزالوں کے نظر آ جاتے ہیں چشمِ سیاہ
دشت ہیں کرتے ہیں یاد اپنے سِیہ خانے کو ہم
بوسۂ خالِ زنخداں سے شفا ہو گی ہمیں
کیا کریں گے اے طبیب اس تیرے بہدانے کو ہم
باندھتے ہیں اپنے دل میں زلفِ جاناں کا خیال
اِس طرح زنجیر پہناتے ہیں دیوانے کو ہم
چنجۂ وحشت سے ہوتا ہے گریباں تار تار
دیکھتے ہیں کاکلِ جاناں میں جب شانے کو ہم
عقل کھو دی تھی جو اے ناسحؔ جنوںِ عشق نے
آشنا سمجھا کیے اک عمر بے گانے کو ہم
امام بخش ناسخ
No comments:
Post a Comment