میں نے کس شوق سے اک عمر غزلخوانی کی
کتنی گہری ہیں لکیریں مِری پیشانی کی
وقت ہے میرے تعاقب میں چھپا لے مجھ کو
جُوئے کم آب! قسم تجھ کو تِرے پانی کی
یوں گزرتی ہے رگ و پے سے تِری یاد کی لہر
اجنبی سے نظر آئے تِرے چہرے کے نقوش
جب تِرے حسن پہ میں نے نظرِ ثانی کی
مجھ سے کہتا ہے کوئی، آپ پریشان نہ ہوں
میری زلفوں کو تو عادت ہے پریشانی کی
زندگی کیا ہے طلسمات کی وادی کا سفر
پھر بھی فرصت نہیں ملتی مجھے حیرانی کی
وہ بھی تھے ذکر بھی تھا رنگِ غزل کا شبنمؔ
پھر تو میں نے، سرِ محفل وہ گل افشانی کی
شبنم رومانی
No comments:
Post a Comment