ہمارا پرچم، یہ پیارا پرچم
ملی نغمہ
یہ چاند تارے کا جھلملاتا پرچم
ہمارا پرچم، یہ پیارا پرچم
یہ پرچموں میں عظیم پرچم
ہماری عظمت کا پاسباں ہے
ہماری ملت کا ترجماں ہے
ہمارے احساس کا بیاں ہے
ہماری رفعت کا آسماں ہے
عظیم ملت، عظیم پرچم
عطائے ربِ کریم پرچم
ہمارا پرچم، یہ پیارا پرچم
فضا میں نغمیں لٹا رہا ہے
شعورِ ملت جگا رہا ہے
دل و نظر میں سما رہا ہے
تمام عالم پے چھا رہا ہے
برنگِ موجِ نسیم پرچم
عطائے ربِ کریم پرچم
ہمارا پرچم، یہ پیارا پرچم
یہی نشانِ حرم ہمارا
یہی ہے ابرِ کرم ہمارا
یہ جاں ہماری، یہ دم ہمارا
رہے گا اونچا علم ہمارا
علم ہمارا، عظیم پرچم
عطائے ربِ کریم پرچم
ہمارا پرچم، یہ پیارا پرچم
سیف زلفی
No comments:
Post a Comment