اب تو اظہار محبت سے بھی گھبراتے ہیں لوگ

 اب تو اظہارِ محبت سے بھی گھبراتے ہیں لوگ

اپنے گھر میں بھی ہمیں تنہا نظر آتے ہیں لوگ

سچ تو یہ ہے اُٹھ چکی ہو جب زمانے سے وفا

دردِ خلوت زندگی میں جب ہو دردِ لا دوا

کشتئ تسکین کو جس دم کنارے چھوڑ دیں

درد کے مارے بشر کو جب سہارے چھوڑ دیں

جب نہ کوئی پاس ہو تو کام آتی ہے کتاب

درحقیقت ہے یہی واحد علاجِ اضطراب

بے غرض دمساز ہے بےلوث غمخوار حیات

اس میں ہے بھٹکے ہووں کے واسطے راہِ نجات

قندیل جعفری