مرحبا صد مرحبا آمد شہِ ذیشانﷺ کی
آپ کے آنے سے عزت بڑھ گئی انسان کی
آپ نے باتیں بتائیں سب کو ہیں رحمان کی
آپ سے اُمت کو ہے نعمت ملی قرآن کی
دونوں عالم میں بہاریں آپ کے فیضان کی
آپ ہیں اللہ کے محبوب اے پیارے نبیﷺ
خواب میں پائی بشارت حضرتِ حسرت نے تھی
آپ کا جلوہ جو دیکھا، کھل گئی دل کی کلی
آج بھی تاریخ میں ہے قولِ حسرت موہانی یہی
آپ نے دی تھی بشارت ملک پاکستان کی
آپ کا احسان ہے بے شک ہر اک انسان پر
چشمِ رحمت آپ کی ہو اپنے پاکستان پر
ہم عمل کرتے رہیں سنت پر اور قرآن پر
گر عدو حملہ کرے، ہم کھیل جائیں جان پر
آپﷺ کی الفت جو ہے، بنیاد ہے ایمان کی
آپ ہی بدرالدجیٰ ہیں، آپ ہی نورالہدیٰ
ذکر بے شک آپ کا ،اللہ نے اونچا کیا
گلشن ہستی میں آقاﷺ پھول کی ہے التجا
ہم پہ رحمت کی نظر، لطف و کرم کا در ہو وا
آپ ہی سے پائیں گے تسکین قلب و جان کی
تنویر پھول
No comments:
Post a Comment