رستہ وہ میرا روکتی تھی اور میں اسے

 رستہ وہ میرا روکتی تھی اور میں اسے

مجھ کو عزیز نوکری تھی اور میں اسے

شیشہ ہے آئینے میں کہاں اس کو علم تھا

وہ اپنا آپ دیکھتی تھی، اور میں اسے

اک دوسرے کی پہلی محبت نہیں تھے ہم

پاگل مجھے بنا رہی تھی اور میں اسے

کچھ اور لوگ بھی ہمیں اب جاننے لگے

پہلے مجھے وہ جانتی تھی اور میں اسے

دونوں کا مفلسی میں گزارا نہ ہو سکا

اپنا سکوں وہ چاہتی تھی اور میں اسے

خالد محبوب