وہ عورت میری کیا لگتی ہے

 میں اور وہ عورت

میں کبھی یہ نہیں سمجھ پایا

وہ عورت میری کیا لگتی ہے

اور میں نے بھی کبھی اسے

کریدنے کی کوشش نہیں کی

بستر میں بھی کبھی

ہم یہ فیصلہ نہیں کر پائے

کہ ہم یکجان کیوں ہوتے ہیں

ہم لگاتار ملتے تو رہتے ہیں

مگر نجانے کیوں کبھی

اپنے تعلق پر بات نہیں کرتے

میں جب اسے چھوڑنے جاتا ہوں

وہ میرے کندھے پر سر رکھ کر

مجھے سوچنے پر مجبور کرتی ہے

کہ کیا یہی وہ عورت ہے

مجھے نہیں معلوم

ہم کب تک ساتھ رہیں گے

لیکن میں اتنا ضرور جان گیا ہوں

کہ میں اس عورت سے

کبھی بھی بور نہیں ہو سکتا

صفی سرحدی