تاریک شب میں راستے سنسان ہو گئے
اُلو کی بول سے خطا اوسان ہو گئے
اخبار میں خبر یہ جلی حرف میں چھپی
مجھ کو ٹکٹ دلایا کہا احسان ہو گئے
گھر سے چلا تو ماں کی دعائیں تھی ساتھ میں
منزل ملی ہے پورے سب ارمان ہو گئے
قد اس کا بڑھ سکا نہ بڑھے گا کبھی یہاں
لوگوں کی نگاہ میں وہ شیطان ہو گئے
جس نے قدم قدم پر ستایا ہر ایک کو
بستی کا وہی شخص تو پردھان ہو گئے
ثاقب کے حوصلے میں نہ آئی کبھی کمی
مشکل تھے راستے، مگر آسان ہو گئے
ثاقب کلیم
No comments:
Post a Comment