کسی کو صُورتِ ساقی نہ جب نظر آئی
شراب خانے میں ہر آنکھ غم سے بھر آئی
ہمیں نہ پُوچھا دئیے بھر کے جام غیروں کو
سلوک دیکھ کے ساقی کی آنکھ بھر آئی
ہمیں کسی کے تغافل نے نامُراد رکھا
ہماری دید کی حسرت کبھی نہ بر آئی
نہ آئے تم شبِ وعدہ نہ موت آئی ہمیں
تمہاری یاد ہی دلجوئی کو مگر آئی
جو ناگہاں انہیں دیکھا تو یوں ہُوا محسوس
کہ جیسے حُور کوئی عرش سے اُتر آئی
فراقِ دوست میں گھبرا کے جان دے دی راز
ملاپ کی کوئی صُورت نہ جب نظر آئی
راز لائلپوری
No comments:
Post a Comment