تُو آسماں کو ورطۂ حیرت میں ڈال دے
ہاتھوں میں بھر کے نیلا سمندر اُچھال دے
کلمہ پڑھا ہوا ہوں میں تیرے حبیبﷺ کا
سائل نہیں کہ تُو مجھے چوکھٹ سے ٹال دے
ممکن ہے میرا ساتھ کسی روز چھوڑ دے
لیکن نہیں کہ وہ مجھے دل سے نکال دے
شعر و سخن ہی ایک حوالہ ہو ذات کا
شعر و سخن میں تُو مجھے ایسا کمال دے
ایسی ضرب کہ سینۂ سنگ سے شرر اٹھے
ایسی نظر کہ دھڑکنیں مشکل میں ڈال دے
بس ایک بار وصل سے سرشار کر مجھے
بس ایک بار ہجر کا کانٹا نکال دے
افتخار شاہد
No comments:
Post a Comment