مجھ کو وقف دار کرو
میں رسموں سے باغی ہوں
اس کی چاہت ہے کہ میں
خاموشی سے ظلم سہوں
دنیا کب کیا سوچے گی
کیوں ہر بات پہ یہ سوچوں
لازم ہے کیا، ہر صورت
رِیت رواج کے ساتھ چلوں
ماتا دیوی ہو کر بھی
پیروں کی جوتی ٹھہروں
مالا جپ جپ رام کی میں
خود کو سیتا پوز کروں
ضبط کی چادر اوڑھ کے میں
کیوں بدلوں تہذیبِ جنوں
ابنِ آدم ہے گر تُو
میں حوّا کی بیٹی ہوں
آ، تُو میرا ستّر ہو
میں تیری پوشاک بنوں
فرح گوندل
No comments:
Post a Comment