زباں تک جو نہ آئے وہ محبت اور ہوتی ہے

زباں تک جو نہ آئے وہ محبت اور ہوتی ہے
فسانہ اور ہوتا ہے، حقیقت اور ہوتی ہے
نہیں ملتے تو اک ادنیٰ شکایت ہے نہ ملنے کی
مگر مل کر نہ ملنے کی شکایت اور ہوتی ہے
یہ مانا، شیشۂ دل💝 رونقِ بازارِِ الفت ہے
مگر جب ٹوٹ جاتا ہے تو قیمت اور ہوتی ہے
👁نگاہیں تاڑ لیتی ہیں محبت کی اداؤں کو👁
چھپانے سے زمانے بھر میں شہرت اور ہوتی ہے
یہ مانا حسن کی فطرت بہت نازک ہے اے وامق
مزاجِ عشق کی لیکن "نزاکت" اور ہوتی ہے

وامق جونپوری