ساہوکار
گزشتہ صبح کا اخبار کہتا تھا
سیاست میں نئی تبدیلی آئی ہے
حکومت اپنے سب وعدے نبھائے گی
یہ مشکل وقت بس اب جانے والا ہے
خبر تھی مفلسی دم توڑ جائے گی
مِری دھرتی کا دامن چھوڑ جائے گی
مگر یہ اک خبر تھی
آج کے اخبار نے جس کی حقیقت کھول دی ہے
آج کے اخبار نے سُرخی لگائی ہے
گزشتہ شب کسی مفلس نے
اپنی لاڈلی بیٹی کو گروی رکھ کے
ساہوکار سے گندم اُٹھائی ہے
کاشف ظریف
No comments:
Post a Comment