بے قید زندگی پر تعزیر چاہتا ہوں

 بے قید زندگی پر تعزیر چاہتا ہوں

ہر پائے بُوالہوس میں زنجیر چاہتا ہوں

دل تیرگی کا مرکز آنکھیں ہیں شب گزیدہ

ظلمت کدوں میں جشنِ تنویر چاہتا ہوں

سب کچھ لُٹا دیا ہے جس آرزو کی خاطر

اس خواب کی میں اپنے تعبیر چاہتا ہوں

کوئی ایسا شبد لکھے کوئی جو دلگیروں کا گیت بنے

 کوئی ایسا شبد لکھے کوئی

جو دلگیروں کا گیت بنے

کوئی لفظ تحمّل والا ہو

کوئی بات کہ جیسے ماں بولے

جسے سن کر زخم بھریں دل کے

جسے چُھو کے رنج نہ ہو کوئی

عذر ستم سے دل نہ دکھاؤ پاس محبت رہنے دو

 عذر ستم سے دل نہ دکھاؤ پاس محبت رہنے دو

کون کہے گا تم کو ظالم، اور کہے تو کہنے دو

کوئی کنارا، کوئی سہارا، کیا جانے کب مل جائے

یہ طوفان کی ماری کشتی، بہتی ہے جب تک بہنے دو

حرف و حکایت، شُکر و شکایت دل میں لیے ہیں ہم کیا کیا

اپنے کرم کا ذکر کہاں تک، کچھ تو ہمیں بھی کہنے دو

ہم سے کنارہ کیوں ہے ترے مبتلا ہیں ہم

 ہم سے کنارہ کیوں ہے تِرے مبتلا ہیں ہم

اے بحرِ حُسن! آ ادھر آ آشنا ہیں ہم

ناقوس مےکدے میں بجایا تو یہ کہا

بندے گناہ گار تِرے اے خدا ہیں ہم

پروا نہیں ہے تم کو تو ہے تم پہ کیوں مریں

دو بھر نہ زندگی ہے نہ گھر سے سوا ہیں ہم

کوشش ترک تعلق نے رلایا ہے بہت

 کوشش ترکِ تعلق نے رُلایا ہے بہت

بُھولنا چاہا جب اس کو یاد آیا ہے بہت

ہے عمل کے بعد ہی دستِ دُعا کا مرحلہ

ہم نے اے واعظ خدا کو آزمایا ہے بہت

اک تبسم کے لیے سو بار آنکھیں نم ہوئیں

زندگی اے زندگی تُو نے رُلایا ہے بہت

ایک آنسو کے ٹپک جانے سے غم افشا ہوا

 ایک آنسو کے ٹپک جانے سے غم افشا ہوا

تھا سمندر کا سمندر، بُوند میں ٹھہرا ہوا

یاد ہے کل ہم ملے تھے پھر نہ جانے کیا ہوا

وہ بھی کچھ کھوئے ہوئے تھے میں بھی کچھ کویا ہوا

اپنی اپنی راہ سے نکلے تھے یاران خودی

سب سے پہلے آ گیا میں دار سے ہوتا ہوا

گاہے ادھر کی فکر ہے گاہے ادھر کی ہے

 گاہے اِدھر کی فکر ہے گاہے اُدھر کی ہے 

مٹی غرض خراب جہاں میں بشر کی ہے 

معصوم کو بھی نزع ہے ہرگز نہیں مفر 

مظلوم کی دعا کو بھی حاجت اثر کی ہے 

چوٹی میں اور جُوڑے میں ظالم کے فرق ہے 

یہ راہ عمر بھر کی ہے وہ سال بھر کی ہے