سات پہیلیاں
٭
کون سا ساز ہے
جو کانوں میں
ساتوں سُر دِہکا سکتا ہے
٭٭
کون سا منظر
آنکھوں اندر
٭٭٭
کیا کوئی دریا ایسا بھی ہے
جس کے ساتھ میں بہہ کر
سات کے سات سمندر پار ہو جائیں
٭٭٭٭
کیا کوئی لمحہ ایسا بھی ہے
جس کا پورا دُکھ جی لو تو
سات جنم سوئیکار ہو جائیں
٭٭٭٭٭
کس حیرت کو اوڑھے
ایک عجوبہ دیکھیں
اور ساتوں کو ساتھ میں پائیں
٭٭٭٭٭٭
اس دھرتی کےکس کونے پر
جا کر سات زمینیں ڈھونڈیں
اور ان سب کی مٹی اپنے ہاتھ میں پائیں
٭٭٭٭٭٭٭
کس تارے پر سیڑھی رکھ کر
اپنے رب کا منبر دیکھیں
اور پھر ان غیبی آنکھوں سے
اس کے ساتوں امبر دیکھیں
بلال اسود
No comments:
Post a Comment