سنو خاموش ہی ہستی مِری تم سے جدا ہو گی
کہ اب ہر اک فریادِ عنایت بے نوا ہو گی
کسی فردِ محبت سے بھلا امید کیا رکھنا
محبت بے وفا تھی بے وفا ہے بے وفا ہو گی
پرانے کاغذوں پہ درج میری شاعری شاید
کسی مجروح دل کے زخم کی مائل ردا ہو گی
کرو گے ظلم کب تک، مشورہ ہے باز آ جاؤ
بہت پچھتاؤ گے تم ظلم کی گر انتہا ہو گی
تجسس چھوڑ دے تم قیس و لیلیٰ سی محبت کا
کہ دورِ نو کی ہر تمثیلِ الفت بے وفا ہو گی
فیصل فہمی
No comments:
Post a Comment