میں اس محبت پر ایمان لا چکا ہوں

 انسان کی اوسط عمر 60 سے 70 سال ہے

اور اتنی سی عمر تو

میں تمہاری مداح سرائی میں گزار دوں

تمہیں کیا لگتا ہے کہ میں جو

ہر وقت حسن اور حسیناؤں میں

گِھرا رہتا ہوں

تو تم میری نظر میں اپنی قدر و منزلت کھو دو گی؟

وہ نرس جس نے اپنی ساری جوانی

آپریشن تھیٹر میں پوسٹ مارٹم ہوتے

مردوں کے جسم دیکھے ہوں

وہ بھی شادی کے بعد

اپنے جیون ساتھی کا جسم ایسے دیکھتی ہے

جیسے اس عظیم خالق کا یہ شاہکار پہلی بار دیکھا ہو

تم ہی ہو جو ہر لمحہ

میرے دل پر محبت لکھ رہی ہو

اور میں اس محبت پر ایمان لا چکا ہوں

تم جانتی ہو کہ

جب جب تم مجھ سے اپنی محبت کا اظہار کرتی ہو

مجھے تب تب یہ محسوس ہوتا ہے

کہ میں اس دنیا کا اکیلا سلطان ہوں

اور گھوڑے پر اپنی سلطنت کی سیر کو نکلا ہوں

میاں وقار