یہ رنگ گلاب کی کلی کا

یہ رنگ گلاب کی کلی کا

نقشہ ہے کسی کی کم سِنی کا

بلبل کی بہار میں نہ پوچھو

منہ چومتی ہے کلی کلی کا

غنچوں کو صبا نے گُدگُدایا

دشوار ہے ضبط اب ہنسی کا

سخت نازک مزاج دلبر تھا

سخت نازک مزاج دلبر تھا

خیر گزری کہ دل بھی پتھر تھا

مختصر حالِ زندگی یہ ہے

لاکھ سودا تھا، اور اک سر تھا

ان کی رخصت کا دن تو یاد نہیں

یہ سمجھئے کہ روزِ محشر تھا

ناز بھی ہوتا رہے ہوتی رہے بیداد بھی

ناز بھی ہوتا رہے  ہوتی رہے بے داد بھی

سب گوارا ہے جو تم سنتے رہو فریاد بھی

ایک آفت ہیں حسینانِ ستم ایجاد بھی

کرتے ہیں بیداد مجھ پر چاہتے ہیں داد بھی

وقت پڑتا ہے تو کوئی آشنا ہوتا نہیں

دشمنِ فرہاد نکلا تیشۂ فرہاد بھی

بکھرے تو پھر بہم مرے اجزا نہیں ہوئے

بکھرے تو پھر بہم مِرے اجزا نہیں ہوئے
سرزد اگرچہ معجزے کیا کیا نہیں ہوئے
جو راستے میں کھیت نہ سیراب کر سکے
کیوں جذب دشت ہی میں وہ دریا نہیں ہوئے
انسان ہے تو پاؤں میں لغزش ضرور ہے
جرمِ شکستِ جام بھی بے جا نہیں ہوئے

بیگانہ وار ایک یگانہ چلا گیا

بے گانہ وار ایک یگانہ چلا گیا

دیتا صدائیں خانہ بہ خانہ چلا گیا

کوئی قلم نہ گم ہے کتاب اِسکے باوجود

افسوس عِلم کا وہ خزانہ چلا گیا

تھی زندگی قریب اِسے ڈھونڈنے کہاں

ہر ایک شخص ہو کے روانہ چلا گیا

ہمدم نہ ڈر کہاں کا زمانہ کہاں کے لوگ

ہمدم! نہ ڈر، کہاں کا زمانہ، کہاں کے لوگ

حائل نہ کب دلوں میں ہوئے درمیاں کے لوگ

ہے تیری آنکھ سے بھی زیادہ کہیں نشہ

پھر کیوں نیاز مند ہیں پیرِ مغاں کے لوگ

رخسار و لب کا عالم گل آفریں نہ پوچھ

قائل نہیں رہے سحرِ گلستاں کے لوگ

دشمن و دوست چند رکھتے ہیں

دشمن و دوست چند رکھتے ہیں

یہ مگر عقل مند رکھتے ہیں

واعظوں کی زباں ہے وا ہم پر

اور خود کان بند رکھتے ہیں

حسن کے سلسلے میں اہلِ نظر

اپنی اپنی پسند رکھتے ہیں