دکھائی دیتے ہیں سارے نظارے گاؤں میں
ضیا ہے شہر میں لیکن ستارے گاؤں میں
کبھی جو شہر میں آنا تو ساتھ لانا مجھے
میں چھوڑ آیا تھا خود کو تمہارے گاؤں میں
ہم اتنے لوگ ہیں اور شہر جانتا بھی نہیں
تم ایک شخص ہو مشہور سارے گاؤں میں
تمام شہر کی رونق بھی ان کا عکس نہیں
وہ چند لمحے جو ہم نے گزارے گاؤں میں
اداس ہوتے ہیں جب بھی تمہارے شہر کے لوگ
تو مسکراتے ہیں آ کر ہمارے گاؤں میں
علی شیران
No comments:
Post a Comment