زندگی کھول نہ اب کوئی نیا بابِ ستم
بس کہ دل میں نہیں گنجائشِ غم، تابِ ستم
مالکِ ساز! اس آہنگ کو اتنا بھی نہ کھینچ
دُھن بنا دیتا ہے وحشت کی یہ مضرابِ ستم
ہاتھ شوخی سے نچاتے ہوئے کہتا ہے کہ جا
دستِ قدرت نے پلایا ہے مجھے آبِ ستم
ستم ایجاد ہے اتنا کہ کہا عہد کے بعد
کر لیا عہدِ وفا یعنی کہ ایجابِ ستم
گلِ نو، جذبِ جواں، بوئے وفا، رنگِ خلوص
دل کے گلزار میں ہے کثرتِ اسبابِ ستم
حیف ہم ایسے ظریفانہ مزاجوں کے نصیب
حلقۂ تنگ دِلاں، صحبتِ اربابِ ستم
زبیر حمزہ
No comments:
Post a Comment