حُسن کا ایک آہ نے چہرہ نڈھال کر دیا
آج تو اے دِلِ حزِیں! تُو نے کمال کر دیا
سہتا رہا جفائے دوست، کہتا رہا ادائے دوست
میرے خلوص نے مِرا جینا محال کر دیا
جتنے چمن پرست تھے، سایۂ گل میں مست تھے
خود مِرا سوزِ جاں گُداز، چھیڑ سکا نہ دِل کا ساز
آپ کی اِک نگاہ نے صاحبِ حال کر دیا
بزم میں سارے اہلِ ہوش، اُن کے ستم پہ تھے خموش
ایک جنوں پرست نے اٹھ کے سوال کر دیا
لطفِ فراقِ یار نے لذتِ انتظار نے
دور دل و نگاہ سے شوقِ وصال کر دیا
سن کے بیانِ مے کدہ، دیکھ کے شانِ مے کدہ
شیخِ حرم نے بھی فناؔ! مے کو حلال کر دیا
فنا نظامی کانپوری
No comments:
Post a Comment