بندِ غم مشکل سے مشکل تر کھلا
ہم سے جب کوئی پری پیکر کھلا
جاں ستانی کے نئے انداز ہیں
ہاتھ میں غمزے کے ہے خنجر کھلا
میری وحشت نے نکالے جب سے پاؤں
ایک صحرا صحن کے اندر کھلا
دیکھنے میں وہ نگاہِ لطف تھی
کس سے پوچھیں زخمِ دل کیونکر کھلا
ہے قیامت اس کی مژگاں کا خیال
رکھ دیا ہے دل میں اک نشتر کھلا
یہ زلیخائی، کہ یوسفؑ کے لیے
مصر کا بازار ہے گھر گھر کھلا
کوئی جادہ ہے نہ منزل ہے کوئی
سب فریبی، راہی و رہبر کھلا
نوامیدی سے بندھی تابشؔ امید
ابرِ غم دل پر بہت گھِر کر کھلا
ہم سے جب کوئی پری پیکر کھلا
جاں ستانی کے نئے انداز ہیں
ہاتھ میں غمزے کے ہے خنجر کھلا
میری وحشت نے نکالے جب سے پاؤں
ایک صحرا صحن کے اندر کھلا
دیکھنے میں وہ نگاہِ لطف تھی
کس سے پوچھیں زخمِ دل کیونکر کھلا
ہے قیامت اس کی مژگاں کا خیال
رکھ دیا ہے دل میں اک نشتر کھلا
یہ زلیخائی، کہ یوسفؑ کے لیے
مصر کا بازار ہے گھر گھر کھلا
کوئی جادہ ہے نہ منزل ہے کوئی
سب فریبی، راہی و رہبر کھلا
نوامیدی سے بندھی تابشؔ امید
ابرِ غم دل پر بہت گھِر کر کھلا
تابش دہلوی
No comments:
Post a Comment