دیارِ جاں پہ مسلط عجب زمانہ رہا
کہ دل میں درد لبوں پر رواں ترانہ رہا
کسی پہ برق گِری شاخِ جاں سُلگ اُٹھی
کسی پہ سنگ چلے سر مِرا نشانہ رہا
قدم قدم پہ ملی گرچہ صرصرِ خونریز
ہجومِ گُل اسی انداز سے روانہ رہا
عدوئے دوست کبھی مجھ کو معتبر نہ ہوا
ازل سے اپنا یہ معیار دوستانہ رہا
جو قدرِ فن کا تعین کرو تو دھیان رہے
اسی سبب سے عدو میرا اک زمانہ رہا
جو بات کہنی ہوئی ہم نے برملا کہہ دی
سہیل شکوہ کسی سے نہ غائبانہ رہا
ادیب سہیل
No comments:
Post a Comment