کتنا بھی مسکرائیے دل ہے مگر بجھا بجھا

کتنا بھی مسکرائیے دل ہے مگر بُجھا بُجھا

گیت رسیلے گائیے، دل ہے مگر بجھا بجھا

اشک نہیں تو کیا ہوا، آہ نہیں تو کیا ہوا

لاکھ سنور کے آئیے دل ہے مگر بجھا بجھا

رُخ پہ بہار کی پھبن ہونٹوں پہ مخملی سخن

مژدۂ گُل سنائیے، دل ہے مگر بجھا بجھا

آپ سے خود الگ الگ آپ کی دعوتِ طرب

ہم سے نہ کچھ چھپائیے دل ہے مگر بجھا بجھا

جنت نغمہ و غزل محفل سوز و ساز عشق

طاہرہ کیا بتائیے، دل ہے مگر بجھا بجھا

بانو طاہرہ سعید