چشم دل چاہے جو انوار سے ربط​

چشمِ دل چاہے جو انوار سے ربط​

رکھے خاکِ درِ دِلدار سے ربط​

ان کی نعمت کا طلبگار سے میل​

ان کی رحمت کا گنہگار سے ربط​

یا خدا! دل نہ ملے دنیا سے​

نہ ہو آئینہ کو زنگار سے ربط​

نفس سے میل نہ کرنا اے دل​

قہر ہے ایسے ستم گار سے ربط​

تلخئ نزع سے اس کو کیا کام​

ہو جسے لعلِ شکر بار سے ربط​

ان کے دامانِ گہر بار کو ہے​

کاسۂ دوست طلبگار سے ربط​

کل ہے اجلاس کا دن اور ہمیں​

میل عملہ سے نہ دربار سے ربط​

عمر یوں ان کی گلی میں گزرے​

دشتِ طیبہ کی جو دیکھ آئیں بہار​

ہو عنادِل کو نہ گلزار سے ربط​

سرِ شوریدہ کو ہے در سے میل​

کمر خستہ کو دیوار سے ربط​

اے حسنؔ خیر ہے کیا کرتے ہو​؟

یار کو چھوڑ کر اغیار سے ربط

حسن رضا بریلوی