اور اب باعث تشہیر نہیں ہو سکتا

 اور اب باعثِ تشہیر نہیں ہو سکتا

مجھ سے اب غم میرا تحریر نہیں ہو سکتا

جو بھی چاہے اسے آزاد کیے دیتا ہوں

میں کسی پاؤں کی زنجیر نہیں ہو سکتا

چند سطروں میں جو مرقوم کرے میری حیات

وہ میرا کاتبِ تقدیر نہیں ہو سکتا

میری پرواز میں شامل ہیں دعائیں ماں کی

میں کسی طور زمیں گیر نہیں ہو سکتا

شمس تاحشر بھی لکھتا ہی رہے گر غزلیں

تُو کبھی میر تقی میر نہیں ہو سکتا

شمس بلتستانی