بے مثل و لاجواب ہو یکتا تمہی تو ہو

عارفانہ کلام نعتیہ کلام

بے مثل و لاجواب ہو یکتا تمہیؐ تو ہو 

بعد از خدا، خدائی میں تنہا تمہی تو ہو 

ارض و سما میں انجمن آرا تمہی تو ہو 

تخلیقِ کائنات کا منشاء تمہی تو ہو 

غم پائے دو جہاں کا مداوا تمہی تو ہو 

نازِ خلیل و فخرِ مسیحا تمہی تو ہو 

ذرّہ تا آفتاب تمہارا جمال ہے 

شمعِ حریمِ حق کا اجالا تمہی تو ہو 

خیرالبشرﷺ ہو رحمتِ کُل کائنات ہو 

جاری ہے جس کے فیض کا دریا تمہی تو ہو 

میں خسروانِ دہر کو ٹھوکر پہ مار دوں 

میں ہوں غلام جس کا وہ آقاؐ تمہی تو ہو 

مطلوبِ ذوالجلال و والا کرام کون ہے 

سردار دو جہاں، شہِ والاؐ تمہی تو ہو 

تم مل گئے تو دولتِ کونین مل گئی 

جانِ مراد، روحِ تمنّا تمہی تو ہو 

کُل انبیاء میں میں مہرِ رسالتؐ ہے اور کون 

خاصانِ خاص، اشرف و اعلیٰ تمہی تو ہو

مہر وجدانی