عارفانہ کلام منقبت سلام
ہے آج بھی زمانے میں چرچا حسینؑ کا
چلتا ہے ملک ملک میں سِکہ حسین کا
بھارت میں گر وہ آتا تو بھگوان کہتے ہم
ہر ہندو نام پوجا میں جپتا حسین کا
مذہب کی کوئی بات نہیں دل کی بات ہے
ہر حق پرست دل سے ہے شیدا حسین کا
مسلم تو پڑھتے آئے ہیں کلمہ رسولؐ کا
ہم ہندوؤں نے پڑھ لیا کلمہ حسین کا
ساحل سے سر پٹختی ہیں پیاسوں کی یاد میں
لے لے کے نام گنگا و جمنا حسین کا
اس میں نہیں کلام کہ ہم بُت پرست ہیں
آنکھوں سے اپنی چومیں گے روضہ حسین کا
دیوی روپ کماری
No comments:
Post a Comment