چمن روئے، ہنسے شبنم، بیاباں پر نکھار آئے
اک ایسا بھی نیا موسم میرے پروردگار آئے
وہ سر کھولے ہماری لاش پر دیوانہ وار آئے
اسی کو موت کہتے ہیں تو یا رب بار بار آئے
سرِ گورِ غریباں آؤ لیکن یہ گزارش ہے
بہا اے چشمِ تر ایسا بھی اک آنسو ندامت کا
جسے دامن پہ لینے رحمتِ پروردگار آئے
قفس کے ہو لیے ہم تو مگر اے اہلِ گلشن تم
ہمیں بھی یاد کر لینا چمن میں جب بہار آئے
نہ جانے کیا سمجھ کر چپ ہوں اے صیاد میں ورنہ
وہ قیدی ہوں گر چاہوں قفس میں بھی بہار آئے
استاد قمر جلالوی
No comments:
Post a Comment