عارفانہ کلام منقبت سلام بر سیدنا عثمانؓ
دیتا ہے سخاوت کو سخا اور طرح کی
عثمانِؓ غنی کی ہے ادا اور طرح کی
دو نور سے روشن ہے دیا اس کے حرم کا
مت پوچھئے رومان ہے کیا اس کے حرم کا
عفان کے عثمانؓ پہ قربان مِری جان
سرنامۂ احسان پہ قربان مِری جان
سیکھی ہے ملائک نے حیا اس کی حیا سے
اور اس کے محافظ ہیں پیمبر کے نواسے
پڑھتا رہوں اس پیکرِ تقدیس پہ صلوات
پڑھتا رہوں میں بیعتِ رضوان کی آیات
ہونٹوں پہ سیکفیکھم اللّٰہ کی آیت
آغوش میں بھر رکھی ہے کونین کی دولت
عثمانؓ کے سینے میں چمکتا ہوا قرآن
قرآن کے سینے میں چمکتا ہوا عثمانؓ
یہ وہم نہیں ہے مِرا ایمان ہے نادر
قرآن کے ناشر کی الگ شان ہے نادر
نادر صدیقی
No comments:
Post a Comment