عارفانہ کلام نعتیہ کلام
دولتِ درد عطا کی ہے نبیﷺ نے مجھ کو
کبھی دیکھا ہی نہیں ہے جو غمی نے مجھ کو
اُنﷺ کے روضے پہ پہنچنے کی جو تیاری کی
ایسے موقعے پہ مبارک دی سبھی نے مجھ کو
غیر کے آگے کبھی جُھک نہ سکی میری جبیں
اتنا خوددار بنایا ہے خودی نے مجھ کو
مجھ کو دیدار کی ملنی ہے سعادت اک دن
لے کے جائے گا مقدر ہی مدینے مجھ کو
ذکر اس کا ہو زباں پر میں جہاں بھی جاؤں
اس طرح آئیں گے جینے کے قرینے مجھ کو
نعت خانم نے عقیدت سے لکھی ہے میری
یہ بشارت عطا کر دی ہے نبیؐ نے مجھ کو
فریدہ خانم
No comments:
Post a Comment