یہ دنیا عالم وحشت میں کیا کیا چھوڑ دیتی ہے

یہ دنیا عالمِ وحشت میں کیا کیا چھوڑ دیتی ہے

سمندر کی محبت میں کنارہ چھوڑ دیتی ہے

بھروسہ کیا کریں اس زندگی کا، یہ تو انساں کو

فنا کی وادیوں میں لا کے تنہا چھوڑ دیتی ہے

خدا محفوظ رکھے ایسی مجبوری سے ہم سب کو

جو مجبوری پڑوسی کا جنازہ چھوڑ دیتی ہے

غریبی وہ برائی ہے وہ مجبوری کا سودا ہے

کہ کوڑے دان میں ماں اپنا بچہ چھوڑ دیتی ہے

ہمارے واسطے پانی پہ پہرہ کیا بٹھاؤ گے

ہماری تشنگی تو خود ہی دریا چھوڑ دیتی ہے

معراج فیض آبادی