تمہیں پتا ہے محبت میں دل ٹوٹے تو کیا ہوتا ہے

 تمہیں پتا ہے

محبت میں دل ٹوٹے تو

کیا ہوتا ہے

یہ دل بکھر جاتا ہے

اس کی کرچیاں

پاؤں میں چبھتی ہیں

پر ان کو سمیٹا نہیں جا سکتا

تم کہتے تھے

میں خوش رہوں

مسکراتی رہوں

مہکتی رہوں

پر، بھول گئے تم

میرا مہکنا تمہاری محبت کی عنایت تھا

میرا مسکرانا 

تمہاری محبت کے رنگ تھے

میرا خوش رہنا، تمہارا ساتھ تھا

لو دیکھو، میں مسکرا رہی ہوں

کتنے ہی غم چھپا رہی ہوں

آنکھیں بے رنگ ہیں

جن میں کبھی خواب تھے

تمہیں پتا ہے

محبت میں دل ٹوٹے تو کیا ہوتا ہے

عینی اسد